YAP Gənclər Birliyi 20 Yanvar şəhidlərinin xatirəsini yad etdi
19.01.201619 yanvar 2016-cı il tarixində Yeni Azərbaycan Partiyası (YAP) Gənclər Birliyi 20 Yanvar şəhidlərinin xatirəsinə həsr edilmiş anım mərasimi keçirib.
Anım tədbirində Azərbaycan bayrağını əllərində tutmuş gənclər “Əbədi Məşəl” önündə maraqlı kompozisiya ilə Azərbaycan gəncinin 20 Yanvar hadisələri ilə bağlı mövqeyini dünyaya bəyan ediblər.
Gənclər şəhidlər xiyabanında 20 Yanvar faciəsinin qurbanlarının qəbirlərini ziyarət edərək, məzarları üzərinə qərənfillər düzüblər. Anım tədbirində Bakı şəhərindən olan 300-ə qədər gənc partiya fəalı iştirak edib.
