Yeni Azərbaycan Partiyası Səbail rayon təşkilatı

Səbail rayonunda müharibə veteranlarına, əlillərə, onların ailə üzvlərinə, şəhid ailələrinə, aztəminatlı sakinlərə diqqət və qayğı getdikcə artırılır.

2016-cı il ərzində Qarabağ müharibəsi əlilləri, şəhid ailələri, rayonun aztəminatlı ailələri, eləcə də kimsəsizlər, xüsusi qayğıya ehtiyacı olan yataq xəstələri və tənha qocalar rayon rəhbərliyi tərəfindən daim diqqətdə saxlanılmış və il boyu Səbail rayon İcra Hakimiyyətinin, YAP Səbail rayon təşkilatının və sponsorların dəstəyi ilə rayon sakinləri üçün müxtəlif səpkidə sosial yardım aksiyaları reallaşdırılmışdır (Ramazan bayramı, Qurban bayramı, Novruz bayramı, sosial yardım aktı, xeyriyyə aksiyası).

Yeni il bayramı ərəfəsində YAP Səbail rayon təşkilatının və sponsorların dəstəyi ilə bu silsilədən olan növbəti humanitar aksiya həyata keçirildi.

Sosial yardım aktı çərçivəsində Səbail rayonunun aztəminatlı ailələrinin, şəhid və məcburi köçkün, eləcə də müharibə veteranları ailələrinin 3-10 yaş arası uşaqlarına qış gödəkçələri hədiyyə olundu.

Rayon sakinləri göstərilən diqqət və qayğıya görə ölkə başçısına, Yeni Azərbaycan Partiyasına və bu xeyriyyə tədbirinə sponsorluq edən sahibkarlara minnətdarlıqlarını bildirdilər.

YAP Səbail rayon təşkilatı korporativ sosial məsuliyyətin artırılması istiqamətindəki fəaliyyətinə və bu silsilədən olan yardım aksiyalarına bundan sonra da davam edəcəkdir.

 

• 
• 
• 
• 
• 
• 
• 
• 
• 
• 
• 
• 
• 
•