Yeni Azərbaycan Partiyası Səbail rayon təşkilatı

Yeni Azərbaycan Partiyası Səbail rayon təşkilatının XI Konfransının keçirilməsi üçün hazırlıq işlərinə start verilib.

Konfransa hazırlıqla əlaqədar təsdiq olunmuş qrafikə əsasən ərazi ilk partiya təşkilatlarında hesabat-seçki yığıncaqlarının keçirilməsinə və konfransa nümayəndələrin seçilməsinə artıq başlanılmışdır.

10 yanvar 2017-ci il tarixində YAP Səbail rayon təşkilatının “Gənc Tamaşaçılar” ərazi ilk partiya təşkilatında hesabat-seçki yığıncağı keçirildi. Yığıncaqda ərazi ilk partiya təşkilatının sədri Yasin Qarayev ilk partiya təşkilatının 2015-2016-cı illər üçün hesabat məruzəsi ilə çıxış etdi və partiya təşkilatının fəaliyyəti barədə geniş məlumat verdi. Y.Qarayev keçən konfransdan bu günədək görülən işlərdən danışaraq qeyd etdi ki, təşkilat illik tədbirlər planında nəzərdə tutulan bütün məsələləri uğurla həyata keçirmişdir, bundan sonra da qarşıya qoyulan vəzifələri məsuliyyətlə icra etməyə davam edəcəkdir.

Daha sonra çıxış edən ərazi ilk partiya təşkilatının İdarə Heyətinin üzvü Mübariz Həmidov, YAP Səbail rayon təşkilatının sədr müavini Əhliman Qarayev və başqaları “Gənc Tamaşaçılar” ərazi ilk partiya təşkilatının ötən dövr ərzindəki fəaliyyətini yüksək qiymətləndirdilər. Hesabat məruzəsi yığıncaq iştirakçıları tərəfindən qənaətbəxş hesab olunaraq qəbul olundu.

Yığıncaqda “Gənc Tamaşaçılar” ərazi ilk partiya təşkilatının yeni İdarə Heyətinin üzvləri, sədri, sədr müavinləri, eləcə də YAP Səbail rayon təşkilatının XI Konfransına ilk partiya təşkilatından nümayəndələr seçildi.

 

• 
• 
• 
• 
• 
• 
• 
•