YAP Səbail rayon təşkilatı ərazi ilk partiya təşkilatlarında hesabat-seçki yığıncaqları keçirilir
26.01.2017Yeni Azərbaycan Partiyası Səbail rayon təşkilatında XI Konfransa hazırlıq məqsədilə ərazi ilk partiya təşkilatlarında hesabat-seçki yığıncaqlarının keçirilməsi və Konfransa nümayəndələrin seçilməsi davam edir.
16 yanvar 2017-ci il tarixində “Yaşıl Teatr” Bakı Konsert Kompleksi ərazi ilk partiya təşkilatında hesabat-seçki yığıncağı keçirildi. Yığıncaqda ərazi ilk partiya təşkilatının sədri Məmməd Hümbətov ilk təşkilatın hesabatı ilə çıxış etdi. Sədr konfranslararası müddətdə təşkilatda görülmüş işlər haqqında məlumat verərək qeyd etdi ki, göstərilən dövr ərzində təşkilatda mütəmadi olaraq yığıncaqlar keçirilmişdir, ümumi işlərdə YAP üzvləri fəallıq nümayiş etdirmişlər.
Çıxış edən YAP Səbail rayon təşkilatı sədrinin birinci müavini Muxtar Nağıyev, ərazi ilk partiya təşkilatı üzvləri İlqar Cavadov, Nigar Bünyat-zadə və Samirə Məmmədova “Yaşıl Teatr” Bakı Konsert Kompleksi ərazi ilk partiya təşkilatının hesabatını qənaətbəxş olaraq qiymətləndirdilər.
Yığıncaqda ərazi ilk partiya təşkilatının yeni İdarə Heyətinin üzvləri, sədri, sədr müavini, eləcə də YAP Səbail rayon təşkilatının XI Konfransına ilk partiya təşkilatından nümayəndə seçildi.
***
16 yanvar 2017-ci il tarixində “3 saylı Vərəm Əleyhinə Dispanser” ərazi ilk partiya təşkilatında hesabat-seçki yığıncağı keçirildi. Yığıncaqda ərazi ilk partiya təşkilatının 2015-2016-cı illər üçün hesabatı müzakirə olundu və hesabat dövrü ərzində ilk ərazi təşkilatında görülən işlər müsbət qiymətləndirildi. Sonra ərazi ilk partiya təşkilatının yeni sədri və müavinləri, eləcə də YAP Səbail rayon təşkilatının XI Konfransına ilk partiya təşkilatından nümayəndə seçildi.
***
19 yanvar 2017-ci il tarixində “Azərenerjitikinti” ərazi ilk partiya təşkilatında hesabat-seçki yığıncağı keçirildi. Gündəlikdə duran birinci məsələ üzrə təşkilat sədri Tahir Kazımov çıxış edərək diqqətə çatdırdı ki, Partiya Sədrimizin yürütdüyü məqsədyönlü islahat kursu hər bir ölkə vətəndaşının sosial rifah halının təmin olunmasına yönəlmişdir. Bu siyasət hər bir Azərbaycan vətəndaşı tərəfindən bəyənilir və dəstəklənir. “Azərenerjitikinti” ərazi ilk partiya təşkilatı işini Partiya Nizamnaməsinin tələblərinə uyğun quraraq üzərinə düşən vəzifələri layiqincə yerinə yetirir. Çıxış edənlər təşkilatın fəaliyyətini qənaətbəxş hesab etdilər.
Yığıncaqda ərazi ilk partiya təşkilatının yeni İdarə Heyətinin üzvləri, sədri, sədr müavini, eləcə də YAP Səbail rayon təşkilatının XI Konfransına ilk partiya təşkilatından nümayəndə seçildi.
***
23 yanvar 2017-ci il tarixində “Dezinfektorlar” (Bakı şəhər “Dezinfeksiya Stansiyası Səbail rayonlararası bölməsi” MMC) ərazi ilk partiya təşkilatında hesabat-seçki yığıncağı keçirildi. Hesabat məruzəsi ilə çıxış edən təşkilat sədri G.T.Həsənova Ulu Öndər Heydər Əliyevin zəngin dövlətçilik ənənələrinin layiqli davamçısı Prezident İlham Əliyevin uğurlu siyasətinin nəticələrindən danışaraq qeyd etdi ki, Azərbaycan xalqı artıq illərdir ki, qəlbində əbədi heykəlini qoyduğu Ulu Öndərin cismani yoxluğunun təskinliyini Ulu Öndərin şah əsəri olan müstəqil Azərbaycanın etibarlı əllərdə olmasında tapır. İlk ərazi partiya təşkilatının hesabat dövrü ərzindəki fəaliyyəti haqqında məlumat verən sədr vurğuladı ki, təşkilatımızın üzvləri qadınlardır və qadınlarımızın ölkəmizin ictimai-siyasi həyatında rolunun artması çox təqdirəlayiq haldır.
Yığıncaqda təşkilat sədrinin hesabat məruzəsi dinlənildikdən sonra, təşkilatın yeni İdarə Heyətinin üzvləri, sədri, sədr müavini, eləcə də YAP Səbail rayon təşkilatının XI Konfransına ilk partiya təşkilatından nümayəndələr seçildi.
***
25 yanvar 2017-ci il tarixində “Ziyalı evi” ərazi ilk partiya təşkilatında hesabat-seçki yığıncağı keçirildi. Təşkilat sədri Arzuman Muradlı hesabat məruzəsi ilə çıxış etdi. Təşkilatın ictimai-siyasi fəaliyyəti haqqında geniş məlumat verən sədr diqqətə çatdırdı ki, hörmətli Prezidentimiz İlham Əliyev cənablarının düzgün və məqsədyönlü daxili və xarici siyasətinin nəticəsində Azərbaycan regionun güclü dövlətinə çevrilmişdir. Bunun bariz nəticəsidir ki, əhalinin cənab Prezidentə, dövlətə inamı artır, YAP-ın sıraları genişlənir.
Çıxış edən YAP Səbail rayon təşkilatı sədrinin birinci müavini Muxtar Nağıyev “Ziyalı evi” ilk ərazi təşkilatının fəaliyyətini yüksək qiymətləndirərək bildirdi ki, YAP Azərbaycanda aparıcı siyasi qüvvədir. YAP Səbail rayon təşkilatının fəaliyyəti ilə bağlı məlumat verən sədr müavini qeyd etdi ki, Azərbaycanın ictimai-siyasi həyatında fəallığı ilə seçilən YAP Səbail rayon təşkilati il ərzində ölkəmizdə keçirilən bir sıra tədbirlərin təşkilində mühüm rol oynayıb, müxtəlif layihələrin reallaşdırılmasında fəal iştirak edib.
Yığıncaqda ərazi təşkilatının yeni İdarə Heyətinin üzvləri, sədri, sədr müavini, eləcə də YAP Səbail rayon təşkilatının XI Konfransına ilk partiya təşkilatından nümayəndələr seçildi.
***
26 yanvar 2017-ci il tarixində “Xəzər dənizçiləri” (Azərbaycan Xəzər Dəniz Gəmiçiliyi QSC) ərazi ilk partiya təşkilatında hesabat-seçki yığıncağı keçirildi. “Xəzər dənizçiləri” ərazi ilk təşkilatının sədri İzafət Məmmədov 2015-2016-cı illərdə təşkilatın fəaliyyətinə dair hesabat məruzəsi ilə çıxış etdi. Hesabat dövründə Azərbaycan Xəzər Dəniz Gəmiçiliyində görülən mühüm işlərdən, qazanılan uğurlardan söz açan məruzəçi dövlət başçımızın həyata keçirdiyi müasirləşmə siyasətinə dəniz nəqliyyatı sahəsində də böyük dəstək verildiyini bildirdi. Ötən müddətdə təşkilatın sıralarının xüsusilə yüksək bilik və bacarığa, müasir dünyagörüşə malik gənclərin hesabına genişləndiyini, taleyini gəmiçiliklə bağlayan bu gənclərin YAP-ın üzvü olduqları ilə fəxr etdiklərini qeyd etdi.
“Azərbaycan Xəzər Dəniz Gəmiçiliyi” QSC-nin Risklərin idarəedilməsi şöbəsinin rəisi Fuad Hacıəliyev, mütəxəssis Mirkazım Babayev, Azərbaycan Dövlət Dəniz Akademiyasının əməkdaşı Bayram Balakişiyev və başqaları məruzə ilə bağlı müzakirələrdə təşkilatın hesabat dövründəki fəaliyyətini qənaətbəxş qiymətləndirdilər.
İzafət Məmmədova yenidən etimad göstərildi və o, yekdilliklə YAP Səbail rayonu “Xəzər dənizçiləri” ərazi ilk təşkilatının sədri seçildi. Sonra 7 nəfərdən ibarət İdarə Heyəti və rayon təşkilatının XI konfransına nümayəndələr seçildi.
Yığıncaqda çıxış edən YAP Səbail rayon təşkilatı sədrinin müavini Əhliman Qarayev dinamik inkişaf edən ölkəmizin əldə etdiyi yüksək nailiyyətlərdə yarandığı gündən Azərbaycan dövlətinə və xalqına sədaqətlə xidmət edən YAP-ın əhəmiyyətli rolundan bəhs etdi və “Xəzər dənizçiləri” ərazi ilk təşkilatının yeni seçilən heyətinə gələcək fəaliyyətlərində uğurlar arzuladı.
