Yeni Azərbaycan Partiyası Səbail rayon təşkilatı

15 mart 2017-ci il tarixində Naftalan Sağlamlıq Mərkəzində YAP Səbail rayon təşkilatının yeni ərazi ilk partiya təşkilatının təsis yığıncağı keçirildi.

İclasda Mərkəzin məsul əməkdaşı Həşim Həşimov, YAP Səbail rayon təşkilatının Aparat rəhbəri dos. Zəfər Bayramov iştirak etdilər.

Yığıncaq iştirakçılarını salamlayan Z.Bayramov Azərbaycanda son illərdə müşahidə olunan ictimai-siyasi sabitliyin təmin olunmasında, əldə olunan xarici və daxili siyasət uğurlarında ölkə Prezindenti cənab İlham Əliyevin sədrlik etdiyi Yeni Azərbaycan Partiyasının (YAP) böyük rolundan bəhs etdi. Üzvlərinin sayı 700 minə yaxınlaşan YAP-ın nüfuzunun istər ölkəmizdə, istər regionda günü-gündən artdığını vurğulayan Aparat rəhbəri diqqətə çatdırdı ki, əhali arasında Partiya Sədrinə olan rəğbətin, inamın ilbəil artması YAP-ın sıralarının hər il, xüsusən gənclərin hesabına kəmiyyət və keyfiyyət baxımından daha da zənginləşməsinə səbəb olur. Əhali arasında siyasi fəallığın artırılmasının ideoloji və təşkilati baxımından əhəmiyyətini xüsusi qeyd edən Z.Bayramov bildirdi ki, hazırda 25.500-dən çox partiya üzvünü öz sıralarında cəmləşdirən YAP Səbail rayon təşkilatı nüfuzuna, öhdəsinə düşən vəzifələrin məsuliyyətinə, zəngin ictimai-siyasi fəaliyyətinə görə seçilən rayon partiya təşkilatıdır. Təsis olunmuş ərazi ilk partiya təşkilatının üzvlərini təbrik edən Z.Bayramov əminliyini ifadə etdi ki, YAP Səbail “Naftalan Sağlamlıq Mərkəzi” ilk partiya təşkilatı rayonda fəaliyyət göstərən ən fəal təşkilatlarından biri olacaqdır.

Yığıncağın davamında Mərkəzin məsul əməkdaşı Həşim Həşimov yeni ərazi təşkilatının sədri seçildi.

H.Həşimov ona göstərilən etimada görə təşəkkürünü bildirərək, qələbələr partiyası olan Yeni Azərbaycan Partiyasın üzvlərinə siyasi fəaliyyətlərində uğurlar arzuladı.

 

• 
• 
• 
• 
• 
•