Yeni Azərbaycan Partiyası Səbail rayon təşkilatı

08 may 2017-ci il tarixində YAP Səbail rayon Qadınlar Şurasının təşkilatçılığı ilə Səbail rayonu T. Məmmədov adına 239 nömrəli tam orta məktəbdə (YAP Səbail “239 №-li oxu zalı” ərazi ilk partiya təşkilatında) Ulu Öndər Heydər Əliyevin anadan olmasının 94-cü ildönümünə həsr edilmiş “XİLASKAR LİDER – HEYDƏR ƏLİYEV” mövzusunda geniş tədbir keçirildi. Tədbirdə YAP Səbail rayonu Qadınlar Şurasının sədri  Təranə Kərimova, YAP Səbail rayonu Qadınlar Şurasının İdarə Heyətinin üzvü Hüseynova Nigar, Səbail rayon İcra Hakimiyyətinin “İctimai siyasi və humanitar məsələlər” şöbəsinin baş məsləhətçisi Rüstəmli Vətən, Səbail Rayon İcra Hakimiyyətinin Badamdar qəsəbəsi üzrə nümayəndəsi Zaur Əliyev, Badamdar Bələdiyyəsinin sədri Həbib Hüseynov, Badamdar Bələdiyyəsinin üzvləri, T.Məmmədov adına 239 nömrəli tam orta məktəbin valideyn, müəllim və şagirdləri iştirak etdilər.

Tədbiri məktəbin direktoru Sədaqət Əzimova açaraq tədbirin mahiyyəti haqqında ətraflı məlumat verdi. Sədaqət Əzimova Heydər Əliyevin ölkəmizə rəhbərlik etdiyi müddətdə xilaskarlıq missiyasını yerinə yetirən bir lider kimi misilsiz fəaliyyətini xüsusi vurğuladı.

Səbail Rayon YAP Qadınlar Şurasının sədri Təranə Kərimova Ulu Öndər Heydər Əliyevin dövlətçiliyimizin möhkəmlənməsində əvəzsiz rolu mövzusunda geniş məruzə ilə çıxış etdi.

Səbail Rayon İcra Hakimiyyətinin “İctimai siyasi və humanitar məsələlər” şöbəsinin baş məsləhətçisi Rüstəmli Vətən çıxış edərək Ulu Öndərin gənclərə olan qayğısından danışdı.

Badamdar Bələdiyyəsinin sədri Həbib Hüseynov Heydər Əliyev irsinin öyrənilib və öyrədilməsinin böyük əhəmiyyətini qeyd etdi.

Tədbir mövzu ilə bağlı ayrı-ayrı siniflərdə açıq dərslərin nümayişi ilə davam etdi.

İbtidai sinif şagirdlərinin ifasında fləşmobdan istifadə olunan “HEYDƏR ƏLİYEV – 94” təqdimatı tədbir iştirakçılarının böyük marağına səbəb oldu.

 

• 
• 
• 
• 
• 
• 
• 
• 
• 
• 
• 
• 
• 
• 
• 
•