YAP-ın sıraları bilikli, yüksəkixtisaslı gənclər hesabına ildən-ilə genişlənir
10.05.2017Mayın 10-da Azərbaycan Dövlət Dəniz Akademiyasında Ulu Öndər Heydər Əliyevin anadan olmasının 94-cü ildönümü münasibətilə tədbir keçirilib.
Akademiyanın rektoru Çingiz Əliyev giriş sözündə dahi rəhbərin fədakarlıqla dolu ömür yolundan, təhsil sahəsindəki misilsiz xidmətlərindən bəhs edib, Azərbaycan Dövlət Dəniz Akademiyasının yaradılmasının da Ulu Öndərin adı ilə bağlı olduğunu diqqətə çatdırıb.
Tədbirdə dahi şəxsiyyətin həyat və fəaliyyətini əks etdirən film nümayiş etdirilib, tələbələrin ifasında Ulu Öndərə həsr olunmuş poetik nümunələr səsləndirilib.
Sonra YAP Səbail rayonu “Xəzər dənizçiləri” ərazi ilk təşkilatının sədri İzafət Məmmədov çıxış edib. O, dahi Heydər Əliyevin ideyaları ilə silahlanmış YAP-ın sıralarının bilikli, yüksəkixtisaslı gənclər hesabına ildən-ilə genişləndiyini bildirib.
Tədbirin sonunda YAP-a yeni qəbul olunan gənclərə vəsiqələr, Böyük Vətən müharibəsi iştirakçılarına hədiyyələr təqdim olunub.
