Yeni Azərbaycan Partiyası Səbail rayon təşkilatı

YAP Səbail rayon təşkilatı İdarə Heyətinin üzvü, “91-lər”dən olan və Azərbaycan Dövlət Neft və Sənaye Universiteti nəzdində “Neftin, qazın geotexnoloji problemləri və kimya” Elmi-Tədqiqat İnstitutunun aparıcı elmi işçisi Hacan Hacıyev (Hacısoy) beynəlxalq nüfuzlu təşkilat olan Türk Dünyası Araşdırmaları Uluslararası Elmlər Akademiyasının fəxri professoru seçilmişdir.

Alim bu fəxri ada Türk dünyasında elmin, iqtisadiyyatın, mədəniyyətin, o cümlədən Azərbaycan-Türkiyə qardaşlıq və dostluq münasibətlərinin genişlənməsindəki fəaliyyətinə görə layiq görülmüş və fəxri professor diplomu ilə təltif edilmişdir.

Həmçinin H.Hacısoya Akademiyanın təltif qaydasına uyğun olaraq türk bayrağı həkk olunmuş xüsusi parçadan tikilmiş cübbə təqdim olunmuşdur.

YAP Səbail rayon təşkilatının 25 minlik üzvləri adından biz də tanınmış alim və diplomat, Hacan Hacıyevi Türk Dünyası Araşdırmaları Uluslararası Elmlər Akademiyasının fəxri professoru seçilməsi münasibətilə ürəkdən təbrik edir, ona elmi-pedaqoji və ictimai fəaliyyətində yeni-yeni uğurlar arzulayırıq!