Yeni Azərbaycan Partiyası Səbail rayon təşkilatı

Milli Azərbaycan Tarixi Muzeyində YAP Səbail “Azərbaycan Tarixçiləri” və Həmkarlar Təşkilatının birgə təşkilatçılığı ilə 15 iyun – Milli Qurtuluş Günü və 26 iyun – Azərbaycan Silahlı Qüvvələrinin 100 illiyinə həsr olunmuş “Milli qurtuluşumuzda Heydər Əliyev və Ordu amili” adlı tədbir keçirildi.

Tədbirdə YAP Səbail rayon təşkilatının sədr müavini Muxtar Nağıyev, Gənc Vətənpərvərlər Birliyinin sədri Muğan Əliyev və sədr müavini, Qarabağ qazisi İslam Əzimov, tarixçi alimlər, Muzey əməkdaşları və KİV nümayəndələri iştirak etdilər.

Tədbir Azərbaycan Respublikasının Dövlət Himninin səsləndiriliməsi ilə başladı.

Milli Azərbaycan Tarixi Muzeyinin direktoru, akademik Nailə Vəlixanlı tədbiri açaraq bayram münasibətilə Azərbaycan xalqını təbrik etdi. Akademik Ulu Öndər Heydər Əliyevin müasir Azərbaycan dövlətçiliyinin quruculuğundakı aktiv fəaliyyətindən, Milli Ordumuzun ölkəmizin ərazi bütövlüyü uğrunda apardığı qəhrəmanlıq mücadiləsindən bəhs etdi. Gəncləri bu istiqamətdə maariflənməyə, Heydər Əliyev irsini öyrənməyə, nümunə götürməyə dəvət etdi.

YAP Səbail rayon Təşkilatının sədr müavini Muxtar Nağıyev çıxış edərək, Azərbaycanda YAP-ın ictimai-siyasi həyatdakı fəaliyyətində cənab Heydər Əliyevin rolundan, Milli Ordu quruculuğundan bəhs etdi.

Gənc Vətənpərvərlər Birliyinin sədri Muğan Əliyev 1993-cü ilin iyununda Heydər Əliyevin Azərbaycan rəhbərliyinə qayıdışı ilə başlıca qayəsini müstəqillik, dövlətçilik, demokratiya, milli tərəqqi kimi ümumbəşəri dəyərlər təşkil edən yeni bir ideologiyanın əsası qoyulduğunu, Heydər Əliyevin rəhbərliyi altında Azərbaycan dövlətinin xarici siyasətinin, dünyanın aparıcı dövlətləri və beynəlxalq təşkilatları ilə əlaqələrinin milli maraqlara və uzaqgörən siyasi perspektivlərə əsaslanan xətlə inkişaf mərhələsinə qədəm qoyduğunu vurğuladı.

Muzeyin Arxeologiya elmi fond şöbəsinin müdiri, Muzeyin YAP “Azərbaycan tarixçiləri“ ilk ərazi təşkilatının sədr müavini Nasir Quluzadə çıxış edərək Muzeydə Milli Qurtuluş Günü və Silahlı Qüvvələr Günü münasibətilə mütəmadi keçirilən elmi-kütləvi tədbirlər haqqında məlumat verdi.

Çıxış edən Gənc Vətənpərvərlər Birliyinin sədr müavini, Qarabağ qazisi İslam Əzimov milli ordunun yaranması tarixindən və müstəqillik dövründə inkişafından bəhs etdi.

Digər çıxışçılar Heydər Əliyevin siyasi dühasından, Milli Ordunun şücaətindən, bu mövzunun daim təbliğ edilməsinin əhəmiyyətindən danışdılar.

Sonra tədbir gənclərin ifasında musiqi nömrələri və milli rəqslərdən ibarət bədii hissə ilə davam etdi.

Tədbirin sonunda Milli Azərbaycan Tarixi Muzeyində mədəni və ictimai tədbirlərin təşkil olunması, Muzeyin fəaliyyətinin kütləvi informasiya vasitələrində işıqlandırılmasında fəal iştirak edən şəxslər, o cümlədən YAP Səbail rayon təşkilatının əməkdaşı Aysel Nəsibova Muzey adından “Təşəkkürnamə” ilə təltif olundular.

Göstərilən diqqətə görə YAP Səbail “Azərbaycan tarixçiləri” (Milli Azərbaycan Tarixi Muzeyi) ərazi ilk partiya təşkilatının sədri Pərvanə xanım Əzimovaya təşəkkür edirik.

 

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•