Yeni Azərbaycan Partiyası Səbail rayon təşkilatı

Müqəddəs Ramazan bayramı münasibətilə YAP Səbail rayon təşkilatının təşkilatçılığı və xeyirsevər insanların maddi və mənəvi dəstəyi ilə Səbail rayonunun aztəminatlı ailələrinin uşaqlarına bayram hədiyyələri təqdim olundu.

Rayon partiya təşkilatının qərargahında reallaşdırılan xeyriyyə tədbiri çərçivəsində, Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun (DSMF) Səbail rayon şöbəsinin tövsiyəsi əsasında 20-dən çox aztəminatlı ailəyə təqdim olunan hədiyyələr uşaqlar tərəfindən böyük sevinclə qarşılandı.

Rayon sakinləri göstərilən diqqət və qayğıya görə ölkə başçısına, Yeni Azərbaycan Partiyasına, rayon rəhbərliyinə və xeyirxah insanlara təşəkkür etdilər.