Yeni Azərbaycan Partiyası Səbail rayon təşkilatı

İyunun 21-də YAP Səbail “İçərişəhər” (“İçərişəhər” Dövlət Tarix-Memarlıq Qoruğu İdarəsi) ərazi ilk partiya təşkilatında İdarə heyətinin iclası keçirildi. İclasda ərazi ilk partiya təşkilatının yeni sədrinin seçilməsi və digər təşkilati məsələlər müzakirə edildi.

YAP Səbail rayon təşkilatının Aparat rəhbəri Zəfər Bayramovun iştirak etdiyi iclasda ilk öncə ərazi ilk partiya təşkilatının sədri mərhum Eldar Pirimovun əziz xatirəsi bir dəqiqəlik sükutla yad edildi.

İclas iştirakçılarını YAP Səbail rayon təşkilatının sədri və Milli Məclisin deputatı prof. Şəmsəddin Hacıyev adından ürəkdən salamlayan Zəfər Bayramov “İçərişəhər” Dövlət Tarix-Memarlıq Qoruğu İdarəsinin bütün kollektivinə gələcək fəaliyyətlərində yeni-yeni nailiyyətlər arzuladı.

Sonra “İçərişəhər” ərazi ilk partiya təşkilatının İdarə heyətinin tərkibi ilə bağlı təşkilati məsələlər demokratik, şəffaf və kollegial əsasda müzakirə olundu və 7 nəfərdən ibarət İdarə Heyətinin yeni tərkibi təsdiqləndi. Ərazi ilk partiya təşkilatının yeni sədri vəzifəsinə “İçərişəhər” Dövlət Tarix-Memarlıq Qoruğu İdarəsinin məsul əməkdaşı Əzizov Akif Hüseyn oğlunun namizədliyi irəli sürüldü. Təklif səsə qoyuldu və yekdilliklə qəbul olundu.

Yeni seçilmiş sədr Akif Əzizov ona göstərilmiş yüksək etimada görə təşəkkür edərək əminliyini ifadə etdi ki, “İçərişəhər” ərazi ilk partiya təşkilatı bundan sonra da respublikamızın və Səbail rayonunun ictimai-siyasi həyatında yaxından iştirak edəcək və partiya tapşırıqlarını vaxtlı-vaxtında yüksək səviyyədə icra edəcəkdir. Qeyd olundu ki, ərazi ilk partiya təşkilatının sıraları bundan sonra da yeni üzvlər, xüsusilə gənclər hesabına genişləndiriləcəkdir.

Çıxış edən YAP Səbail rayon təşkilatının əməkdaşı və “İçərişəhər” ərazi ilk partiya təşkilatının kuratoru Nicat Hüseynov ərazi ilk partiya təşkilatının yeni seçilmiş İdarə Heyəti üzvlərini və sədrini təbrik etdi, onlara gələcək ictimai-siyasi fəaliyyətlərində uğurlar arzuladı.

 

• 
• 
• 
• 
• 
• 
• 
• 
• 
• 
• 
• 
• 
• 
• 
• 
•