Yeni Azərbaycan Partiyası Səbail rayon təşkilatı

YAP Səbail rayon təşkilatı hər zaman partiya fəallarının asudə vaxtının səmərəli təşkilinə, gənclərin vətənpərvərlik ruhunda, milli adət-ənənələrimizə sadiq şəkildə tərbiyə olunmasına və intellektual səviyyəsinin artırılmasına, eləcə də bu istiqamətdə çoxsaylı mədəni-kütləvi tədbirlərin keçirilməsinə xüsusi önəm verir.

Oktyabrın 31-də YAP Səbail rayon təşkilatının kollektivi və rayon ictimaiyyəti nümayəndələri Akademik Milli Dram Teatrında Bakı Bələdiyyə Teatrının Azərbaycan Xalq Cümhuriyyətinin yaranmasına həsr olunmuş “Şanlı Vətən” tamaşasının premyerasında iştirak etdilər.

Səhnə əsərinin nümayişində YAP Səbail rayon təşkilatının rəhbərliyi, Rayon Şurası və İdarə Heyətinin üzvləri, rayon ictimaiyyəti nümayəndələri, partiya fəalları və çoxlu sayda gənclər iştirak etdilər.

“Şanlı Vətən” tamaşasının ideya müəllifi Bakı Bələdiyyə Teatrının bədii rəhbəri və direktoru, Xalq artisti, dövlət mükafatları laureatı, YAP Səbail rayon təşkilatı İdarə heyətinin üzvü professor Amaliya Pənahova, rejissoru Mərahim Fərzəlibəyovdur. Pyesin müəllifi Çingiz Ələsgərlidir. Tamaşa Azərbaycan Xalq Cümhuriyyətinin, Nuru Paşanın başçılıq etdiyi Qafqaz İslam ordusunun Bakını erməni-daşnaq işğalından azad etməsinin, Azərbaycan Xalq Cümhuriyyəti Parlamentinin 100 illik yubileylərinə və təməli Ulu Öndər Heydər Əliyev və Süleyman Dəmirəl tərəfindən qoyulmuş “Dostluq körpüsü”nün Azərbaycan Respublikası Prezidenti cənab İlham Əliyev və Türkiyə Respublikasının Prezidenti cənab Rəcəb Tayyip Ərdoğan tərəfindən uğurla davam etdirilməsinə həsr olunmuşdur. Azərbacanın keçdiyi 100 illik şanlı tarixini vəsf edən tamaşa Azərbaycan-Türkiyə dostluğunu tərənnüm edir.

Gözəl tərtibatda hazırlanmış tamaşa boyunca aktyorların oyununu gurultulu alqışlarla müşaiyət edən izləyicilər sonda bütün aktyorlara təşəkkürlərini ayaq üstə alqışlar və gül dəstələri ilə bildirərək onları təbrik etdilər.

Tədbirin videoyazısı
MədəniyyətTV
VİDEO

 

• 
• 
• 
• 
• 
• 
• 
• 
• 
• 
• 
• 
• 
• 
• 
•