YAP Səbail rayon təşkilatının “Fəvvarələr meydanı” ərazi ilk partiya təşkilatı təsis olundu
13.12.201813 dekabr 2018-ci il tarixində Səbail rayon Nərgiz Mall ticarət mərkəzində YAP Səbail rayon təşkilatının “Fəvvarələr Meydanı” ərazi ilk partiya təşkilatının təsis yığıncağı keçirildi.
Təsis yığıncağında YAP Səbail rayon təşkilatının Aparat rəhbəri dos. Zəfər Bayramov və Səbail rayon Nərgiz Mall ticarət mərkəzinin direktoru Rahilə Mahmudova iştirak etdilər.
Yığıncağı açıq elan edən Rahilə Mahmudova Səbail rayon Nərgiz Mall ticarət mərkəzinin fəaliyyəti haqqında məlumat verdi. R.Mahmudova diqqətə çatdırdı ki, kollektiv əməkdaşları arasında son zamanlarda Yeni Azərbaycan Partiyasının sıralarına qəbul olunmaq üçün çoxsaylı müraciətlər qeydə alıınmışdır. Bütün bunları nəzərə alaraq, biz Səbail rayon Nərgiz Mall ticarət mərkəzində ərazi ilk partiya təşkilatının yaradılması təşəbbüsü ilə YAP Səbail rayon təşkilatına müraciət etdik. Rayon partiya təşkilatına bu təşəbbüsümüzə göstərdikləri dəstək üçün təşəkkür edirik.
Çıxış edən Zəfər Bayramov Azərbaycanın ən yeni siyasi tarixində əvəzolunmaz rol oynayan Yeni Azərbaycan Partiyasının çoxşaxəli fəaliyyəti haqqında geniş məlumat verdi və diqqətə çatdırdı ki, 1992-ci ilin 21 noyabr tarixində Ulu Öndər Heydər Əliyevin bilavasitə təşəbbüsü, iştirakı və rəhbərliyi ilə 550 nəfər partiya üzvünün iştirakı ilə təsis olunan YAP-ın sıralarında bu gün 725 mindən çox partiya üzvü cəmləşmişdir. Partiyanın hazırda 84 şəhər və rayon partiya təşkilatları və 8 mindən çox ərazi ilk partiya təşkilatları fəaliyyət göstərir. 26 mindən çox partiya üzvünü sıralarında birləşdirən YAP Səbail rayon təşkilatının sıraları həm kəmiyyət, həm də keyfiyyət baxımından ildən-ilə genişlənir. Bu gün təsis olunan ərazi ilk partiya təşkilatı rayon partiya təşkilatı nəzdində fəaliyyət göstərən 127-ci təşkilat olacaqdır. Z.Bayramov Səbail rayon Nərgiz Mall ticarət mərkəzinin əməkdaşlarına cansağlığı və gələcək fəaliyyətlərində uğurlar arzuladılar.
Yığıncağın davamında “Fəvvarələr Meydanı” ərazi ilk partiya təşkilatının təsis olunması ilə bağlı səsvermə keçirildi, təşkilat təsis edildi və Səbail rayon Nərgiz Mall ticarət mərkəzinin direktoru Rahilə Mahmudova yekdilliklə yeni ərazi təşkilatının sədri seçildi.
