Yeni Azərbaycan Partiyası Səbail rayon təşkilatı

Martın 6-da Göyçayda Yeni Azərbaycan Partiyası rayon təşkilatının yaradılmasının 26-cı ildönümü münasibətilə yığıncaq keçirildi.

Yığıncaqda Milli Məclisin Əmək və sosial siyasət komitəsinin sədri Hadi Rəcəbli, Milli Məclisin deputatı, YAP Səbail rayon təşkilatının sədri Şəmsəddin Hacıyev, Milli Məclisin deputatı Elman Nəsirov, Göyçay İcra Hakimiyyətinin Başçısı Mehdi Səlimzadə iştirak etdilər.

Tədbirdə iştirak edən rayon rəhbərliyi, Milli Məclisin deputatları, partiya fəalları əvvəlcə partiyanın yaradıcısı, Ulu Öndər Heydər Əliyevin abidəsini ziyarət etdilər.

YAP rayon təşkilatının inzibati binasında keçirilən tədbirdə İcra Hakimiyyətinin Başçısı Mehdi Səlimzadə çıxış edərək, rayonun sosial-iqtisadi, ictimai-mədəni həyatında rayon partiya təşkilatının, onun fəallarının rolundan danışdı.

Tədbirdə çıxış edən Milli Məclisin deputatları Hadi Rəcəbli, Şəmsəddin Hacıyev və Elman Nəsirov Azərbaycan Respublikasının Prezidenti İlham Əliyevin rəhbərliyi ilə həyata keçirilən sosialyönümlü layihələr, aparılan uğurlu islahatlar haqqında yığıncaq iştirakçılarına ətraflı məlumat verdilər.

Sonda bir qrup partiya fəalları Fəxri Fərmanlarla təltif olundular.

Həmin gün rayon rəhbərliyi və qonaqlar bayram yarmarkasında da iştirak etdilər, yeni istifadəyə verilən Alpout kənd uşaq bağçasını ziyarət etdilər, Ləkçılpaq kəndində sakinlərlə və ətraf kəndlərin nümayəndələri ilə görüşdülər.

Tədbirin videoyazısı
Göyçay İnformasiya Agentliyi

 

• 
• 
• 
•