YAP Səbail rayon təşkilatı Gənclər Birliyinin yeni sədri seçildi
30.04.2019Bu gün YAP Səbail rayon təşkilatı Gənclər Birliyinin İdarə heyətinin növbəti iclası keçirildi.
İclasda YAP Səbail rayon təşkilatı Gənclər Birliyinin sədri Ayxan Həsənovun yeni məsul vəzifəyə təyin olunması ilə əlaqədar rayon Gənclər Birliyinin sədri vəzifəsindən azad olunması ilə bağlı müraciəti və yeni sədrin seçilməsi məsələsi müzakirə edildi.
Məlumat verildi ki, Ayxan Həsənov YAP Səbail rayon təşkilatı Gənclər Birliyinin sədri təyin olunduqdan bir neçə gün sonra iş yerini dəyişmiş və yeni məsul vəzifəyə təyin olunmuşdur. İş yerinin dəyişməsi, mütəmadi xaricə ezamiyyələr və vaxt çatışmazlığı səbəbindən yeni təyin olunduğu rayon Gənclər Birliyinin sədri vəzifəsini icra edə bilməyəcək. Qeyd olunanları nəzərə alaraq, rayon YAP Gənclər Birliyi İdarə heyətinin üzvləri tərəfindən Ayxan Həsənovun birliyin sədri vəzifəsində qalması məqsədəuyğun hesab olunmadı.
YAP Səbail rayon təşkilatı Gənclər Birliyinin sədri vəzifəsinə Azərbaycan Dövlət Pedaqoji Universitetinin rektorun köməkçisi Rüstəmli Riyad Arif oğlunun namizədliyi irəli sürüldü. Təklif səsə qoyuldu və yekdilliklə qəbul olundu.
Beləliklə, Rüstəmli Riyad Arif oğlu YAP Səbail rayon təşkilatı Gənclər Birliyinin sədri seçildi.
Qeyd edək ki, Riyad Rüstəmli 1991-ci ildə Bakı şəhərində anadan olub. 2009-2013-cü illərdə Bakı Dövlət Universitetinin “Sosiologiya” ixtisası üzrə rus bölməsini Fərqlənmə diplomu ilə bitirib. 2013-2014-cü illərdə Silahlı Qüvvələrin Xüsusi təyinatlı hərbi hissəsində xidmət edib. 2014-2016-cı illərdə Baki Dövlət Universitetinin “Sosial iş” ixtisası üzrə magistr pilləsinin rus bölməsini fərqlənmə diplomu ilə bitirib.2017-ci ildən Bakı Dövlət Universitetinin Beynəlxalq Munasibətlər və İqtisadiyyat fakültəsinin Politologiya və sosiologiya kafedrasının doktorantıdır.
2009-2014-cü illərdə Bakı Dövlət Universitetinində Sosial elmlər və psixologiya fakültəsinin Tələbə gənclər təşklatının sədri olub.
2009-2014-cü illərdə Azərbaycan Tələbə Gənclər Təşkilatları İttifaqının Layihələr departamentinin koordinatoru, bir çox yerli və beynəlxalq layihələrin icraçısı, rəhbəri olub.
2010-2013-cü illərdə SIFE – Students in Free Enterprises (Tələbələrin azad sahibkarlıq fəaliyyəti) üzrə Baki Dövlət Universitetinin komandasının rəhbəri olub.
2012-ci ildə Azərbaycan Respublikası Prezidenti Yanında Strateji Araşdırmalar Mərkəzində tədqiqatçı kimi çalışıb.
2013-cü ildə Azərbaycan Respublikasının Gənclər və İdman Nazirliyində ictimai əsaslarla nazirin köməkçi heyətinin üzvü kimi çalışıb
2013-cü ildə NEW BAKU POST qəzetində müxtəlif vəzifələrdə çalışıb.
2014-cü ildə Karat Holding (İzmir Residence) Manager olub.
2014-2015-ci illərdə Holiday Inn Baku otelinin Satınalmalar şöbəsində çalışıb.
2015-ci ildə KEPEZ Group of Companies-də müdirin müşaviri vəzifəsində çalışıb.
2016-cı ildə Prezident Administrasiyasında Birinci Xanımın işlərinin təminatı sektorunda (ictimai-əsaslarla) çalışıb.
2016-cı ilin noyabr ayından ADPU-da rektor köməkçisi vəzifəsində çalışır.
Universitetdə təhsil aldığı müddətdə gənclər sektorunda göstərdiyi aktivliyə görə dəfələrlə Yeni Azərbaycan Partiyasi, Gənclər İdman Nazirliyi, Bakı Dövlət Universiteti və bir çox digər qurumların rəhbərliyi tərəfindən mükafatlandırılıb.
2010-cu ildə Azərbaycan Respublikasının Gənclər və İdman Nazirliyi və Azərbaycan Tələbə Gənclər Təşkilatları İttifaqı tərəfindən keçirilən Liderlik məktəbinin qalib iştirakçısı olub
2010-cu ildə Anaklia adasında keçirilən Dünya Gənclərinin Patriot düşərgəsində vətəni laiqincə təmsil edib, qızıl medalla mükafatlandırılıb.
Azərbaycan Respublikasının Gənclər və İdman Nazirliyi və Azərbaycan Tələbə Gənclər Təşkilatları İttifaqı tərəfindən keçirilən MDB gənc liderləri üçün təşkil olunmuş yay məktəbi layihəsinin qalib komandasının kapitanı olub.
Evrovision 2012 Beynəlxalq Mahnı Müsabiqəsinin və Baku-2015 İlk Avropa oyunlarının təşkili və keçirilməsində yaxından iştırak edib.
İslam Əməkdaşlıq Təşkilatına üzv dövlətlərin beyin mərkəzlərinin III Forumunun təşkilat komitəsinin üzvü olub.
2009-2013-cü illərdə Baki Dövlət Universitetinin İlin ən yaxşı tələbəsi nominasıyasının qalibi olub.
2 fevral 2018-ci ildə Yeni Azərbaycan Partiyasının rəhbərliyi tərəfindən partiyanın ictimai-siyasi sahəsində fəaliyyətinə görə Fəxri Fərmanla mükafatlandırılıb.
Xidmət vaxtı döyüş, ictimai-siyasi hazırlığında, və nizam-intizamında yüksək nailiyyətlər əldə etdiyinə görə yuxarı komandanlıq tərəfindən “Fəxri Fərmanla” təltif edilib və dəfələrlə təşəkkürə layiq görülüb.
YAP Səbail rayon “Pedaqoqlar” (Azərbaycan Dövlət Pedaqoji Universiteti) ərazi ilk partiya təşkilatının sədr müavinidir.
Riyad müəllimi YAP Səbail rayon təşkilatı Gənclər Birliyinin sədri seçilməsi münasibətilə ürəkdən təbrik edir, fəaliyyətində uğurlar arzu edirik!
