Yeni Azərbaycan Partiyası Səbail rayon təşkilatı

YAP Səbail rayon təşkilatı Yeni Azərbaycan Partiyasının təşəbbüsü ilə həyata keçirilən “Aztəminatlı ailələrə qayğı” aksiyasında yaxından iştirak edir.

Aksiya çərçivəsində iyulun 5-də YAP Səbail rayon təşkilatının gənc fəalları rayonda yaşayan şəhid ailələrinə, əlillərə, müharibə veteranlarına, kimsəsizlərə, tənha qocalara, yataq xəstələrinə, məcburi köçkünlərə baş çəkdilər. Gənclər xüsusi diqqət və qayğıya ehtiyacı olan rayon sakinlərini narahat edən problemlərlə maraqlandılar, onlara zəruri ərzaqlardan ibarət bağlamalar təqdim etdilər.

Rayon sakinləri Yeni Azərbaycan Partiyasının bu təşəbbüsünü yüksək qiymətləndirdilər, göstərilən diqqət və qayğıya görə ölkə başçısına, Yeni Azərbaycan Partiyasına öz minnətdarlıqlarını bildirdilər.