Yeni Azərbaycan Partiyası Səbail rayon təşkilatı

Sentyabrın 30-da YAP Səbail rayon təşkilatının gənc fəalları 1 oktyabr – Beynəlxalq Ahıllar Günü münasibətilə rayon ərazisində yaşayan kimsəsizlər, tənha qocalar, yataq xəstələri, əlillər və müharibə veteranları ilə görüşdülər.

Xeyriyyə aksiyası çərçivəsində gənclər və partiya fəalları Səbail rayonunun Badamdar qəsəbəsi, 20-ci yaşayış sahəsi və Bayıl ərazisində oldular, xüsusi diqqət və qayğıya ehtiyacı olan rayon sakinlərinin vəziyyəti ilə maraqlandılar. Gənclər, eyni zamanda, ahıl və tənhalara ev işlərində köməklik etdilər, təmizlik işləri gördülər.

Bildirildi ki, yaşlı nəslə, xüsusən də ahıllara dayaq durmaq, onlara köməklik göstərmək hər birimizin mənəvi borcumuzdur. Çünki yetişməkdə olan gənc nəslin bu ruhda tərbiyə olunması üçün bunlar vacib şərtlərdən biridir. Həmçinin qeyd edilib ki, Səbail ərazisində yaşayan ahıllar, ağsaqqallar rayonun ictimai-siyasi həyatında fəal iştirak edirlər. Bu gün onlar gənc nəslin tərbiyəsində, hərbi-vətənpərvərlik ruhunda yetişməsində böyük rol oynayırlar.

Eyni zamanda, vurğulandı ki, öz fəaliyyətində daim sosial istiqamətləri prioritet elan edən YAP sosial-iqtisadi inkişafla bağlı davamlı olaraq müxtəlif layihələr həyata keçirir. Belə fəaliyyətlərdən biri də xüsusi qayğıya ehtiyacı olan şəxslərin, o cümlədən ahılların və tənhaların daim diqqətdə saxlanılması, onların qarşılaşdıqları problemlərin həllidir. Cənab Prezident İlham Əliyev tərəfindən ahıllara diqqət, qayğı və sosial vəziyyətlərinin yaxşılaşdırılması məqsədilə çoxlu sayda Sərəncamlar imzalanıb. Azərbaycan Respublikasının birinci vitse-prezidenti Mehriban xanım Əliyeva da ahılların ən böyük qayğıkeşidir. Onun təşəbbüsü ilə ahıllar, müharibə veteranları ilə görüşlər keçirilir. Onların sağlamlığı diqqətdə saxlanılır.

Ziyarət olunan şəxslər onlara göstərilən diqqət və qayğıya görə ölkə rəhbərliyinə minnətdarlıqlarını bildirdilər. Qeyd olundu ki, həyata keçirilən bu cür aksiyalar onların sosial rifahlarının yüksəldilməsinə töhfə verməklə yanaşı, xoş əhval-ruhiyyə yaradır.

”Səs” qəzeti
”Yeni Azərbaycan” qəzeti
”İki Sahil” qəzeti

 

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•