Yeni Azərbaycan Partiyası Səbail rayon təşkilatı

11 oktyabr 2019-cu il tarixində YAP Səbail rayon “7 №-li oxu zalı” ərazi ilk partiya təşkilatında iclas keçirildi.

Ərazi ilk partiya təşkilatının İdarə Heyətinin yeni tərkibinin və sədrinin seçilməsi məsələlərinin müzakirə edildiyi iclasda YAP Səbail rayon təşkilatının Aparat rəhbəri dos. Zəfər Bayramov, 7 nömrəli tam orta məktəbin direktoru Könül Həsənova və ərazi ilk partiya təşkilatının qeydiyyatında olan partiya üzvləri iştirak etdilər.

İclasda təşkilati məsələlərə baxıldı, ərazi ilk partiya təşkilatının İdarə Heyətinin yeni tərkibi təsdiqləndi və kollektivin təklifi əsasında məktəbin direktoru Könül Həsənova yekdilliklə ərazi ilk partiya təşkilatının yeni sədri vəzifəsinə seçildi.