Yeni Azərbaycan Partiyası Səbail rayon təşkilatı

Noyabrın 15-də YAP Səbail rayon Gənclər Birliyi, Azərbaycan Dövlət Pedaqoji Universiteti (ADPU) YAP Gənclər Birliyi tərkibində fəaliyyət göstərən Mədəniyyət klubu və SABAH qruplarının birgə əməkdaşlığı ilə Xalq artisti, görkəmli Azərbaycan bəstəkarı, professor Emin Sabitoğlunun yaradıcılığına həsr olunan “Payız gəldi” adlı tədbir keçirildi.

Tədbirdə ADPU-nun rektoru professor Cəfər Cəfərov, Tədris işləri üzrə prorektor dosent Eldar Aslanov, Elm və innovasiyalar üzrə prorektor professor Asəf Zamanov, Sosial və humanitar məsələlər üzrə prorektoru professor Fikrət Rzayev, SABAH mərkəzinin rəhbəri Lalə Mürsəlbəyova və professor-müəllim və tələbələri iştirak ediblər.

Tədbir Azərbaycan Respublikasının Dövlət Himninin səsləndirilməsi ilə başladı. Emin Sabitoğlunun həyatını əks etdirən videoçarx təqdim edildi. Bəstəkarın mahnıları tələbələr tərəfindən ifa edildi və musiqilərinin səsləndirildiyi filmlərdən səhnəciklər nümayiş etdirildi.

Sonda rektor Cəfər Cəfərov çıxış edərək tədbirin təşkilatçılarına təşəkkürünü bildirdi.