YAP-ın deputatlığa namizədinin Səbail rayonunda sakinlərlə səyyar görüşləri davam edir
27.01.2020VI çağırış Milli Məclis seçkilərinin təbliğat-təşviqat kampaniyası çərçivəsində 29 saylı Səbail seçki dairəsindən Yeni Azərbaycan Partiyasının deputatlığa namizədi Aytən Hüseynovanın Səbail rayonu ərazisində sakinlərlə səyyar görüşləri davam edir.
Yanvarın 27-də YAP namizədi Səbail sakinləri ilə növbəti dəfə görüşdü. Rayon ərazisində məhəllələrdə, həyətlərdə sakinlərlə görüşüb səmimi söhbət edən A.Hüseynova ölkəmizin ictimai-siyasi həyatında gedən proseslər haqqında danışdı, əhalinin rifah şəraiti, sakinləri narahat edən məişət problemləri ilə maraqlandı. Seçiləcəyi təqdirdə rayon ərazisində görəcəyi işlər haqqında sakinlərə məlumat verən YAP namizədi daha güclü Azərbaycan naminə hər kəsi ölkə başçısı, Yeni Azərbaycan Partiyasının Sədri cənab İlham Əliyevin siyasətinin ətrafında daha da sıx birləşməyə və 9 fevral – seçki günü fəal olmağa dəvət etdi.
Sakinlər qarşıdan gələn parlament seçkilərində cənab İlham Əliyevin rəhbərlik etdiyi Yeni Azərbaycan Partiyasının namizədinə səs verəcəklərini qeyd etdilər.
