YAP Səbail rayon təşkilatının ilk sədri prof. Zahid Qaralovun əziz xatirəsi ehtiramla yad olundu
22.07.202010 iyul 2020-ci il tarixində YAP Səbail rayon təşkilatının yaradıcısı və ilk sədri, yüksək intellektli Azərbaycan ziyalısı, görkəmli ictimai-siyasi xadim, əsl türk oğlu, ömrünün xeyli hissəsini elmə, təhsilə, dövlətçiliyə və cəmiyyət üçün faydalı olan işlərə həsr edən fədakar insan, pedaqoq, Ulu Öndər Heydər Əliyevin yaxın silahdaşlarından biri, Yeni Azərbaycan Partiyasının yaradılmasında yaxından iştirak edən, Azərbaycan Respublikasının Əməkdar müəllimi, “Şöhrət” və “Şərəf” ordenli pedaqoji elmlər doktoru, professor Zahid Qaralovun anadan olmasının 86-cı ildönümü tamam oldu.
Hər il olduğu kimi bu il də YAP Səbail rayon təşkilatının çoxminli üzvləri Zahid müəllimin əziz xatirəsini ehtiramla yad edir.
Qlobal koronavirus (COVID-19) pandemiyası ilə mübarizə çərçivəsində respublikamızda elan olunmuş sərt karantin rejimi ilə əlaqədar olaraq məhdudlaşdırıcı tədbirlər səbəbiylə bu il bir çox tədbirlər onlayn formatda keçirilir və bu formatda işlər davam etdirilir.
İyulun 22-də YAP Səbail rayon təşkilatının sədri prof. Şəmsəddin Hacıyev və bir qrup YAP üzvü, gənclər İkinci Fəxri Xiyabanda Zahid Qaralovun məzarını ziyarət etdilər. Mərhum professora bir daha ehtiram ifadə olundu, məzarı önünə gül dəstələri qoyuldu və ruhuna dualar oxundu.
Zahid Qaralov görkəmli alim, ictimai-siyasi xadim, nümunəvi və qayğıkeş ailə başçısı, elinə-obasına bağlı təəssübkeş bir insan kimi daima qəlbimizdə yaşayacaq. Allah rəhmət eləsin! Ruhu şad olsun!
