Prezident İlham Əliyev: “Mincivan qəsəbəsi, Cəbrayıl, Füzuli və Zəngilan rayonlarının bir sıra kəndləri işğaldan azad olunub”
21.10.2020Oktyabrın 21-də Azərbaycan xalqının qüruru Azərbaycan Ordusu daha 1 qəsəbə və Füzuli, Cəbrayıl, Zəngilan rayonlarının ümumilikdə 21 kəndini erməni işğalından azad edib.
Bu barədə Prezident İlham Əliyev “Twitter” səhifəsində bildirib.
“Rəşadətli Azərbaycan ordusu Füzuli rayonunun Gecəgözlü, Aşağı Seyidəhmədli, Zərgər kəndlərini, Cəbrayıl rayonunun Bələnd, Papı, Tulus, Hacılı, Tinli kəndlərini işğaldan azad etmişdir. Eşq olsun Azərbaycan Ordusuna! Qarabağ Azərbaycandır!”
Dövlət başçısı Zəngilan rayonunun bir qəsəbəsinin və bəzi kəndlərinin də azad olunduğu xəbərini verib: “Rəşadətli Azərbaycan Ordusu Zəngilan rayonunun Mincivan qəsəbəsi, Xurama, Xumarlı, Sarıl, Babaylı, Üçüncü Ağalı, Hacallı, Qırax Müşlan, Üdgün, Turabad, İçəri Müşlan, Məlikli, Cahangirbəyli, Baharlı kəndlərini işğaldan azad etmişdir. Eşq olsun Azərbaycan Ordusuna! Qarabağ Azərbaycandır!”
