YAP Səbail rayonu gəncləri Şəhid ailələrini ziyarət etdilər
31.12.2020Dekabrın 31-də YAP Səbail rayonu gəncləri Vətən müharibəsində torpaqlarımızın azadlığı uğrunda qəhrəmancasına döyüşən və Şəhadət zirvəsinə ucalan Səbail rayonu Şəhidlərinin ailələrini ziyarət etdilər.
Gənclər ilk öncə Fəxri Xiyabanda Ulu Öndər Heydər Əliyevin məzarını ziyarət etdilər, Azərbaycan xalqının Ümummilli Liderinin əziz xatirəsini ehtiramla yad etdilər.
Sonra İkinci Fəxri Xiyabanda ölkəmizin ərazi bütövlüyü və müstəqilliyi uğrunda qəhrəmancasına Şəhid olan Azərbaycanın Milli Qəhrəmanları general-mayor Polad Həşimov və polkovnik İlqar Mirzəyevin, Vətən müharibəsi Şəhidlərinin məzarları, Badamdar qəbirstanlığında Səbail rayonu şəhidlərinin məzarları ziyarət olundu, bütün Şəhidlərimizin ruhlarına dualar oxundu və canlarını Vətən uğrunda fəda edən qəhrəmanların işıqlı xatirəsi yad olundu, əziz xatirələrinə dərin hörmət və ehtiram bildirildi.
Səbail rayonu ərazisində Şəhid ailələrinin üzvləri evlərində ziyarət olundu. Gənclər Şəhid ana və atalarına yüksək hörmət, ehtiramlarını bildirdilər, ailə üzvləri ilə birlikdə Şəhadət zirvəsinə ucalan qəhrəmanlarımızı bir daha yad etdilər.
Bütün Şəhidlərimizin ruhu şad olsun! Vətən sağ olsun!
