YAP Səbail rayon təşkilatında “2 Fevral – Azərbaycan Gəncləri Günü” qeyd olundu

02.02.2021

Fevralın 1-də YAP Səbail rayon təşkilatında “2 Fevral – Azərbaycan Gəncləri Günü” münasibətilə onlayn videokonfrans keçirildi. Partiyanın gənc fəallarının iştirak etdiyi videokonfransda YAP Səbail rayon təşkilatının sədri prof. Şəmsəddin Hacıyev, YAP Səbail rayon Gənclər Birliyinin sədri Riyad Rüstəmli, YAP Səbail rayon Gənclər Birliyinin sədr müavini Fuad Heydərli, Vətən müharibəsinin iştirakçısı, müzəffər Azərbaycan Ordusunun qalib əsgəri İmran Məmmədov, YAP Səbail rayon Gənclər Birliyi Şurasının üzvü Aygün Kazımova, YAP Səbail rayon təşkilatı Könüllülər Birliyinin rəhbəri Rəşad İmanov, rayon partiya təşkilatının stajeri Aytac Məhərrəmli, Azərbaycan Dövlət İqtisad Universitetinin tələbə-rektoru Cavidan Adilzadə, Azərbaycan Dövlət Pedaqoji Universitetinin Sosial və humanitar məsələlər üzrə prorektorunun köməkçisi Cavid Hüseynov, Azərbaycan Respublikasının Prezidenti yanında Dövlət İdarəçilik Akademiyasının YAP GB sədri Aytəkin Hacıyeva, Qərb Kaspi Universitetinin YAP GB və Tələbə Gənclər Təşkilatının sədri Xalid Mirzəyev və YAP Səbail rayon təşkilatı Könüllülər Birliyinin üzvləri Taleh Mansurov, Xatun Kərimova və İlahə Məmmədova Vətən müharibəsində qalib Azərbaycanın müasir gəncliyi, Azərbaycanda dövlət gənclər siyasəti, 1996-cı ildən etibarən keçirilən Azərbaycan Gənclərinin Forumları, “Azərbaycan gəncliyi 2017–2021-ci illərdə” Dövlət Proqramı və “2015-2025-ci illərdə Azərbaycan gənclərinin İnkişaf Strategiyası”nın uğurlu icrası, YAP Gənclər Birliyinin görülən işlərdə xüsusi rolu və töhfələri mövzularında çıxışlar etdilər. Tədbirdə Vətən müharibəsinin bütün Şəhidlərinin əziz xatirəsi böyük ehtiramla yad olundu, qazilərimizə şəfa arzulandı və Azərbaycan Dövlət İqtisad Universitetinin “İqtisadçı Vətənpərvərlər Təşkilatının” sədri, gənc muğam ifaçısı Yusif Cəfərbəyli Şəhid Xudayar Yusifzadənin ifasında məşhurlaşan və “Xudayar təsnifi” kimi tanınan “Vətən yaxşıdır” mahnısını ifa etdi. Videokonfransda 2020-ci il ərzində rayon partiya təşkilatının ictimai-siyasi həyatında fəal iştirak edən gənclər YAP Səbail rayon təşkilatının Fəxri Fərmanları və Sertifikatları ilə təltif olundular.

YAP Səbail rayon təşkilatının sədri prof. Şəmsəddin Hacıyev Ulu Öndər Heydər Əliyevin Azərbaycan gənclərinə tarixi və dəyərli hədiyyəsi olan “2 Fevral – Azərbaycan Gəncləri Günü” münasibətilə bütün gəncləri səmimi qəlbdən təbrik etdi, onlara möhkəm cansağlığı, təhsil sahəsində, şəxsi həyatlarında, ictimai-siyasi fəaliyyətlərində uğurlar arzuladı. Gənclik sözünün yenilik, inkişaf, tərəqqi, modernləşmə, yaradıcılıq, gözəllik, interaktivlik, mütərəqqi dəyişikliklərlə xarakterizə olunduğunu qeyd edən Ş.Hacıyev bütün gənclərə insan həyatının ən gözəl və qibtəolunacaq dövründə həm özləri, ailələri, həm də Vətənimiz, dövlətimiz üçün faydalı olmağı, potensiallarını, bilik və bacarıqlarını ölkəmizin tərəqqisi və inkişafı naminə uğurla reallaşdırmağı tövsiyə etdi.

Sədr “2 Fevral – Azərbaycan Gəncləri Günü”nün tarixi əhəmiyyəti, Ulu Öndər Heydər Əliyevin və Onun layiqli siyasi davamçısı Prezident İlham Əliyevin Azərbaycan gənclərinə göstərdiyi yüksək diqqət və qayğı, gənclərə olan etimadı və inamı haqqında danışaraq qeyd etdi ki, Azərbaycanda gənclər siyasəti dövlətin siyasi prioritetləri sırasına daxil edilmişdir və ölkəmizdə sağlam düşüncəli vətənpərvər gəncliyin formalaşması və təşkilatlanması istiqamətində gözəl nəticələr əldə olunmuşdur. Ş.Hacıyev bildirdi ki, “Əsası Ulu Öndər Heydər Əliyev tərəfindən qoyulan dövlət gənclər siyasəti möhtərəm Prezidentimiz İlham Əliyev tərəfindən eyni həssaslıq və diqqətlə davam etdirilir, Azərbaycan gənclərinə hər zaman dövlət səviyyəsində böyük diqqət və qayğı göstərilir, ölkəmizdə gənclərin yüksəkixtisaslı təhsil alması, özünüinkişafı və potensiallarını reallaşdırmaları üçün hər cür şərait yaradılır. Gənclərlə bağlı ardıcıl dövlət proqramlarının, o cümlədən “Azərbaycan gəncliyi 2017–2021-ci illərdə” Dövlət Proqramı və “2015-2025-ci illərdə Azərbaycan gənclərinin İnkişaf Strategiyası”nın uğurlu icrası, istedadlı, yaradıcı gənclərə xüsusi Prezident təqaüdlərinin təsis edilməsi, Azərbaycan Respublikasının Prezidenti yanında Gənclər Fondunun və çoxsaylı gənclər təşkilatlarının təqdirəlayiq fəaliyyəti nəticəsində Azərbaycanda müstəqillik illərində yüksək vətənpərvərliyi, dövlətimizə, milli-mənəvi dəyərlərimizə, tarixi köklərimizə bağlılığı ilə seçilən müasir və nümunəvi gənclər formalaşmışdır. Vətən müharibəsində müzəffər Ali Baş Komandanımız İlham Əliyevin rəhbərliyi altında məhz bu gənclər öz şücaətləri, milli ruhları, qəhrəmanlığı və fədakarlığı ilə Azərbaycanın yeni, şanlı tarixini yazdılar. Biz gənclərimizlə, igid, yenilməz, qalib Azərbaycan Ordusu ilə fəxr edirik.”

Vurğulandı ki, 750 mindən çox üzvü olan Yeni Azərbaycan Partiyası sıralarında gənclərin say nisbəti 40%-dən çoxdur, YAP Səbail rayon təşkilatının qeydiyyatında olan üzvlərin 66%-i gənclərdir. Yeni Azərbaycan Partiyasının sıralarında cəmləşən vətənpərvər Azərbaycan gənclərinin cəmiyyət həyatının bütün sahələrində önəmli rolu, mövqeləri və töhfələrini xüsusi qeyd edən Ş.Hacıyev 2020-ci ildə həm pandemiya ilə mübarizədə, həm də Vətən müharibəsi günlərində YAP gənclərinin ön və arxa cəbhədəki fəaliyyətini yüksək qiymətləndirdi. Qəhrəman əsgərlərimiz başda olmaqla bütün Azərbaycan gənclərini bayram münasibətilə bir daha təbrik edən Ş.Hacıyev gənclərimizə dövlət müstəqilliyimizi və hər qarış Vətən torpağını göz bəbəyi kimi qorumağı, ölkəmizin ildən-ilə daha da güclənməsi və inkişafı uğrunda yorulmadan çalışmağı tövsiyə etdi.

Müzəffər Azərbaycan Ordusunun qalib əsgəri İmran Məmmədov 44 günlük Vətən müharibəsi günlərində keçdiyi şərəfli döyüş yolu, iştirak etdiyi Füzuli, Cəbrayıl, Hadrut, Xocavənd, Şuşa, Laçın uğrundakı döyüşlər haqqında gənclərə məlumat verdi və müharibə günlərində həm ön, həm arxa cəbhədə Azərbaycan Ordusuna göstərilən yüksək diqqət və qayğıya görə möhtərəm Prezidentimiz, müzəffər Ali Baş Komandanımız İlham Əliyevə və bütün Azərbaycan xalqına təşəkkür etdi.

Videokonfransda çıxış edən bütün gənclər başda Azərbaycan əsgərləri olmaqla bütün Azərbaycan gənclərini “2 Fevral – Azərbaycan Gəncləri Günü” münasibətilə təbrik etdilər, Vətən müharibəsində döyüş meydanında qəhrəmanlıq dastanı yazan əsgərlərimizin igidliyindən, arxa cəbhədə gənclərin informasiya məkanındakı mübarizəsindən, “2020-ci il Könüllülər ili” çərçivəsində pandemiya ilə mübarizədə görülən işlərdən danışdılar və gələcək fəaliyyətləri ilə bağlı bir çox təklif və təşəbbüslərini səsləndirdilər.

Sonda 2020-ci ildəki fəaliyyətlərinə görə bir qrup fəal gənc YAP Səbail rayon təşkilatının Fəxri Fərmanları və Sertifikatları ilə təltif olundular.

YAP Səbail rayon təşkilatının Fəxri Fərmanı ilə təltif olunan gənclər:

  1. Rüstəmli Riyad Arif oğlu – YAP Səbail rayon Gənclər Birliyinin sədri
  2. Heydərli Fuad Hacı oğlu – YAP Səbail rayon Gənclər Birliyinin sədr müavini, Aparatın məsləhətçisi
  3. Hacıyeva Lamiyyə Misir qızı – YAP Səbail rayon Gənclər Birliyinin sədr müavini, Aparatın baş məsləhətçisi
  4. Nəbiyeva Bəyim Azər qızı – YAP Səbail rayon Gənclər Birliyinin İdarə Heyətinin üzvü, Aparatın baş məsləhətçisi
  5. Kazımova Aygün Elbrus qızı – YAP Səbail rayon Gənclər Birliyinin Rayon Şurasının üzvü
  6. İbrahimli Əfəndi Ağbaba oğlu – YAP Səbail rayon Gənclər Birliyinin İdarə Heyətinin üzvü, Aparatın baş məsləhətçisi
  7. Hacıəliyev Ramil İdris oğlu – Fəal gənc, SOCAR Bibiheybət
  8. Hüseynbəyli Aytəkin Ədələt qızı – Fəal gənc, Azərbaycan Milli Kitabxanası
  9. İmanov Rəşad Rövşən oğlu – YAP Səbail rayon təşkilatı Könüllülər Birliyinin rəhbəri
  10. Əliyev İlkan Elxan oğlu – Azərbaycan Dövlət İqtisad Universiteti
  11. Adilzadə Cavidan Mail oğlu – Azərbaycan Dövlət İqtisad Universiteti
  12. Hüseynov Cavid Niyazi oğlu – Azərbaycan Dövlət Pedaqoji Universiteti
  13. Rəşidova Aydan Cəmaləddin qızı – Azərbaycan Dövlət Pedaqoji Universiteti
  14. Mirzəyev Xalid Eldəniz oğlu – Qərbi Kaspi Universiteti
  15. Çobanov Şaban Şamil oğlu – Qərbi Kaspi Universiteti

YAP Səbail rayon təşkilatının Sertifikatı ilə təltif olunan gənclər:

  1. Nəsibova Aysel Niyaz qızı – YAP Səbail rayon Gənclər Birliyinin sədr müavini, Aparatın baş məsləhətçisi
  2. Həsənov Ələşrəf Həmid oğlu – YAP Səbail rayon Gənclər Birliyinin sədr müavini
  3. Hüseynov Nicat Umud oğlu – YAP Səbail rayon Gənclər Birliyinin İdarə Heyətinin üzvü, Aparatın baş məsləhətçisi
  4. Ömərova Ülviyyə Bəxtiyar qızı – YAP Səbail rayon Gənclər Birliyinin Rayon Şurasının üzvü, Aparatın kompyuter mütəxəssisi
  5. Hacıyeva Fidan Mehman qızı – YAP Səbail rayon Gənclər Birliyinin Rayon Şurasının üzvü
  6. Süleymanlı Mahir Tahir oğlu – YAP Səbail rayon Gənclər Birliyinin İdarə Heyətinin üzvü, Milli Məclis
  7. İbrahimli Elvin Şakir oğlu – YAP Səbail rayon Gənclər Birliyinin İdarə Heyətinin üzvü, Azərbaycan Respublikası Hesablama Palatası
  8. Mustafayev Kənan Fətulla oğlu – YAP Səbail rayon Gənclər Birliyinin Rayon Şurasının üzvü, SOCAR Nəqliyyat İdarəsi
  9. Atazadə Nəriman Qaqar oğlu – YAP Səbail rayon Gənclər Birliyinin İdarə Heyətinin üzvü, Nəqliyyat, Rabitə və Yüksək Texnologiyalar Nazirliyi
  10. Vəliyeva Aysel Fuad qızı – YAP Səbail rayon Gənclər Birliyinin Rayon Şurasının üzvü, Aparatın mühasib-məsləhətçisi
  11. Quliyev Fariz Fəlah oğlu – Fəal gənc
  12. Fatyanova Natalya Vladimirovna – YAP Səbail rayon Gənclər Birliyinin İdarə Heyətinin üzvü, Azərbaycan Dövlət Dəniz Akademiyası
  13. Hüseynquliyev Fərid Abil oğlu – YAP Səbail rayon təşkilatı Könüllülər Birliyinin üzvü
  14. Mansurov Taleh İsa oğlu – YAP Səbail rayon təşkilatı Könüllülər Birliyinin üzvü
  15. Kərimova Xatun Zaur qızı – YAP Səbail rayon təşkilatı Könüllülər Birliyinin üzvü
  16. Ağabalayeva Qumral Ceyhun qızı – YAP Səbail rayon təşkilatı Könüllülər Birliyinin üzvü
  17. Balakişiyeva Ruhiyə Vidadi qızı – YAP Səbail rayon təşkilatı Könüllülər Birliyinin üzvü
  18. Məmmədli Bikəxanım Hümmət qızı – YAP Səbail rayon təşkilatı Könüllülər Birliyinin üzvü
  19. Əliyev Ziyafət Fəxrəddin oğlu – YAP Səbail rayon təşkilatı Könüllülər Birliyinin üzvü
  20. Məmmədova İlahə Kərəm qızı – YAP Səbail rayon təşkilatı Könüllülər Birliyinin üzvü
  21. Vəlizadə Tural Elxan oğlu – Azərbaycan Dövlət İqtisad Universiteti
  22. Məmmədov İmran Elçin oğlu – Azərbaycan Dövlət İqtisad Universiteti
  23. Kərimov Kərim Cənnət oğlu – Azərbaycan Dövlət İqtisad Universiteti
  24. Süleymanlı Rüfət Natiq oğlu – Azərbaycan Dövlət İqtisad Universiteti
  25. Məmmədov Mətləb Seymur oğlu – Azərbaycan Dövlət İqtisad Universiteti
  26. Hacıyeva Aytəkin Qurban qızı – Azərbaycan Respublikasının Prezidenti yanında Dövlət İdarəçilik Akademiyası
  27. Ağayev Tərlan Əli oğlu – Azərbaycan Dövlət Pedaqoji Universiteti
  28. İbrahimov Asim Namiq oğlu – Azərbaycan Dövlət Pedaqoji Universiteti
  29. Heydərova Aygün Əhməd qızı – Azərbaycan Dövlət Pedaqoji Universiteti
  30. Kələşova Nigar Azad qızı – Azərbaycan Dövlət Pedaqoji Universiteti
  31. İbrahimli Yeganə Zaur qızı – Azərbaycan Dövlət Pedaqoji Universiteti
  32. Abdullayeva Nazilə Əkrəm qızı – Azərbaycan Dövlət Pedaqoji Universiteti
  33. Məmmədova Türkan Canpolad qızı – Qərbi Kaspi Universiteti
  34. Hüseynzadə Həbibə Canpolad qızı – Qərbi Kaspi Universiteti
  35. Əhədzadə Elay Elsevər oğlu – Qərbi Kaspi Universiteti
  36. Həşimli Sevinc Elnur qızı – Qərbi Kaspi Universiteti