Yeni Azərbaycan Partiyası Səbail rayon təşkilatı

Səbail rayonunda “Şəhid ailələrinə qayğı” aksiyası davam edir.

Fevralın 4-də YAP Səbail rayon təşkilatının nümayəndələri Vətən müharibəsinin Şəhidləri Cavidan Ağayev, Əli Tağıyev və İsmayıl Hüseynovun ailələrini ziyarət etdilər, Şəhidlərimizin valideynləri, ailə üzvləri ilə səmimi söhbət etdilər, Azərbaycan Respublikasının ərazi bütövlüyü və torpaqlarımızın işğaldan azad olunması uğrunda igidliklə döyüşüb Şəhadət zirvəsinə ucalan qəhrəman Vətən övladlarını dərin hörmət və ehtiramla yad etdilər.

YAP Səbail rayon təşkilatının sədri prof. Şəmsəddin Hacıyev, rayon partiya təşkilatının aparat rəhbəri və əməkdaşları ailə üzvləri ilə birlikdə Şəhidlərimizin qəhrəmanlıq dastanına çevrilən döyüş yoluna bir daha nəzər saldılar, möhtərəm Prezidentimiz, Azərbaycan Silahlı Qüvvələrinin müzəffər Ali Baş Komandanı İlham Əliyevin rəhbərliyi altında igid əsgər və zabitlərimizin döyüş meydanında qazandığı möhtəşəm Qarabağ Zəfərinin xalqımız üçün tarixi əhəmiyyətini xüsusi vurğuladılar. Ziyarətçilər Şəhid ailələrinin məişət şəraiti və gündəlik qayğıları ilə maraqlandılar. Diqqətə çatdırıldı ki, Vətən müharibəsi Şəhidlərinin ailə üzvləri, qazilər, müzəffər ordunun qalib əsgərləri daima Yeni Azərbaycan Partiyasının xüsusi diqqət və qayğı mərkəzindədir. Şəhid ailələrinə ərzaq sovqatı və maddi yardım göstərildi.

Şəhid ailələrinin üzvləri Azərbaycan xalqına misilsiz və tarixi qələbə sevincini bəxş edən Şəhid övladlarından qürurla bəhs etdilər, onlara göstərilən diqqət və qayğıya görə dövlət başçısına, və bütün yerli strukturlara təşəkkürlərini bildirdilər.

Torpaq, uğrunda ölən varsa, Vətəndir! Allah bütün Şəhidlərimizə rəhmət eləsin!

Şəhid Ağayev Cavidan Mirzağa oğlu 2001-ci il iyulun 16-da Bakı şəhərində anadan olmuşdur. Peşəkar səviyyədə Roma güləşi ilə məşğul olurdu, çoxsaylı medal və təltifləri var idi. Orta məktəbi uğurla başa vuran Cavidan Gəncədəki universitetlərin birinə daxil olmuşdu. Lakin o, hər şeydən öncə Vətənə xidməti seçdi. Ağdam, Xocavənd uğrunda gedən döyüşlərdə böyük şücaət göstərən Cavidan oktyabrın 2-də Talış-Suqovuşan istiqamətindəki ağır döyüşlərdə qəhrəmancasına Şəhid olmuşdur. Azərbaycan Respublikası Prezidentinin müvafiq Sərəncamı ilə “Vətən uğrunda” medalı ilə təltif olunmuşdur.

Şəhid Tağıyev Əli Aydın oğlu 1997-ci il avqustun 7-də Bakı şəhərində anadan olmuşdur. O, valideynləri tərəfindən yüksək vətənpərvərlik və milli-mənəvi dəyərlərə bağlılıq ruhunda tərbiyə görmüşdü. Tağıyevlər ailəsinin sevimlisi olan Əli ən çox atasına bağlı idi. O, atası kimi daima Vətəninə xüsusi sevgi və hörmət hissi ilə yaşayırdı. Əli həm də mehribanlığı və insanlara qarşı nəvazişi ilə seçilirdi. 2016-cı il Aprel döyüşlərinin qəhrəmanlarından biri olan Əli 29 sentyabrda könüllü olaraq ön cəbhəyə yollanmış, 13 oktyabr tarixində Füzulinin işğaldan azad olunması uğrunda gedən ağır döyüşlərdə Şəhidlik zirvəsinə ucalmışdır. Azərbaycan Respublikası Prezidentinin müvafiq Sərəncamları ilə “Vətən uğrunda” və “Cəbrayılın azad olunmasına görə” medalları ilə təltif olunmuşdur.

Şəhid Hüseynov İsmayıl Şahvələd oğlu 1993-cü il iyunun 18-də Bakı şəhərində anadan olmuşdur. O ailənin kiçik oğlu idi. Ətrafındakılar İsmayılı Vətənə xüsusi sevgisi olan mərd gənc kimi tanıyırdılar. İsmayıl Vətən müharibəsində iştirak etmək üçün könüllü olaraq döyüşə getmiş, oktyabrın 8-də Füzulinin işğaldan azad olunması uğrunda gedən ağır döyüşlərdə qəhrəmancasına Şəhid olmuşdur. Azərbaycan Respublikası Prezidentinin müvafiq Sərəncamları ilə “Vətən uğrunda” və “Cəbrayılın azad olunmasına görə” medalları ilə təltif olunmuşdur.

http://yap.org.az/
http://ikisahil.az/
http://atributinfo.az/

 

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•