Yeni Azərbaycan Partiyası Səbail rayon təşkilatı

Fevralın 12-də YAP Səbail rayon “Badamdar qəsəbəsi sakinləri” (Badamdar Qəsəbəsi Nümayəndəliyi) ərazi ilk partiya təşkilatında İdarə Heyətinin iclası keçirildi.

İclasda ərazi ilk partiya təşkilatının İdarə heyətinin yeni tərkibi, “Badamdar qəsəbəsi sakinləri” İPT-nin yeni sədri və müavinləri seçildi.

İclasda çıxış edən Badamdar bələdiyyəsinin sədri Təzəxan Məmmədov və bələdiyyənin sədr müavinləri Xədicə Həsənova və Rauf Mayılov ərazi ilk partiya təşkilatının ötən dövr ərzindəki fəaliyyəti və İPT üzvlərinin Səbail rayonunun ictimai-siyasi həyatındakı fəal iştirakı haqqında məlumat verdilər. Ərazi ilk partiya təşkilatının ötən dövr ərzindəki fəaliyyəti qənaətbəxş qiymətləndirildi.

YAP Səbail rayon təşkilatının Aparat rəhbəri dos. Zəfər Bayramov “Badamdar qəsəbəsi sakinləri” İPT-nin üzvlərinin ötən dövr ərzində Prezident, Milli Məclis, Bələdiyyə seçkilərindəki fəal iştirakını xüsusi qeyd edərək ərazi ilk partiya təşkilatının İdarə heyətinin yeni tərkibinə uğurlar arzuladı.

Sonra səsvermə keçirildi, ərazi ilk partiya təşkilatının İdarə heyətinin təklif olunan yeni tərkibi yekdilliklə təsdiqləndi və təkliflər əsasında Səbail rayon İcra Hakimiyyətinin başçısının Badamdar qəsəbə inzibati ərazi dairəsi üzrə nümayəndəsi Zamanov Samir Elman oğlu yekdilliklə “Badamdar qəsəbəsi sakinləri” İPT-nin yeni sədri seçildi. Sonra sədrin müavinləri seçildi və iclasa yekun vuruldu.

 

• 
• 
• 
• 
• 
• 
•