Yeni Azərbaycan Partiyası Səbail rayon təşkilatı

Martın 4-də YAP Səbail rayon təşkilatının fəal gəncləri və “Energetik” (Azərbaycan Respublikası Energetika Nazirliyi) ərazi ilk partiya təşkilatının üzvləri Vətən müharibəsinin qazisi Cəfərov Həsən Fariz oğlunun ailəsini yaşadıqları ünvanda ziyarət etdilər.

Qazinin anası gənclərə Vətən müharibəsinin ilk günlərindən ön cəbhədə döyüşən və “Füzulinin azad olunmasına görə” və “Xocavəndin azad olunmasına görə” Azərbaycan Respublikasının medalları ilə təltif olunan Səbail rayonunun qazisi Cəfərov Həsən Fariz oğlunun döyüş yolu haqqında məlumat verərək ölkə başçısı, Ali Baş Komandan İlham Əliyev və Azərbaycan Ordusu, qəhrəman əsgərlərimizlə qürur duyduğunu vurğuladı.

44 günlük Vətən müharibəsində qazanılan Şanlı qələbədən fəxarətlə danışan partiya fəalları qazimizin səhhəti və ailənin gündəlik qayğıları ilə maraqlandılar, Vətən müharibəsinin bütün iştirakçılarının, Şəhid ailələrinin, qazilərimizin daima diqqət mərkəzində saxlanılması üçün dövlət tərəfindən həyata keçirilən tədbirlər və görülən işlər haqqında ailəyə məlumat verdilər. Bildirildi ki, ailənin qeyd etdiyi məsələlərlə bağlı müvafiq qurumlara müraciətlər ediləcək. Ailəyə ərzaq sovqatı təqdim olundu.

Qazi ailəsi göstərilən diqqət və qayğıya görə minnətdarlıqlarını bildirdilər.