Yeni Azərbaycan Partiyası Səbail rayon təşkilatı

YAP Səbail rayon təşkilatının fəal üzvü Axundov Vasif Asif oğlu Vətən müharibəsinin qızğın döyüş günlərində arxa cəbhədə yüksək fəallığına, “Orduya dəstək” aksiyasında yaxından iştirak etdiyinə və ön cəbhədə döyüşən Azərbaycan əsgərlərinə bir neçə dəfə yardım və sovqatlar apardığına görə rayon partiya təşkilatının Fəxri Fərmanı ilə təltif olundu.

V.Axundov Vətən müharibəsi günlərində ümumilikdə 4 dəfə ön cəbhəyə sovqatlar, paltar və dərman yardımı aparmışdır.

Birinci dəfə, 11 oktyabr 2020-ci il tarixində Cəbrayıl rayonunun Cocuq Mərcanlı kəndində könüllü əsgərlərə və Ağcabədi rayonunun Laçın düşərgəsi (Taxta körpü) tam orta məktəbinə səfərbərlik xidmətinə çağrılan əsgərlərə sovqat aparılmışdır.

İkinci dəfə, 25 oktyabr 2020-ci il tarixində Füzuli rayonu Aşağı Veyselli kəndində yerləşən Azərbaycan Silahlı Qüvvələrinin Artilleriya diviziyasına sovqatlar çatdırılmışdır.

Üçüncü dəfə, 3 noyabr 2020-ci il tarixində Ağdam rayonunun Yuxarı Qiyammədinli kəndindəki əsgərlərimizə sovqat göndərilmişdir.

Dördüncü dəfə, 10 noyabr 2020-ci il tarixində Biləsuvar rayonunun Mərkəzi xəstəxanasında müalicə olunan 480 nəfər əsgərimizə sovqatlar, paltar və dərman yardımları aparılmışdır.

 

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•