Yeni Azərbaycan Partiyası Səbail rayon təşkilatı

Mayın 9-da Azərbaycan Dövlət Pedaqoji Universiteti Yeni Azərbaycan Partiyası Gənclər Birliyi (ADPU YAP GB) Tarix və Vətənpərvərlik klubunun təşkilatçılığı və ADPU-nun Tarix və coğrafiya fakültəsinin dəstəyi ilə Ümummilli Lider Heydər Əliyevin anadan olmasının 98-ci ildönümünə həsr olunmuş “Ulu Öndərin yolu ilə” adlı tədbir keçirildi.

Tədbirdə ADPU-nun Tələbələrlə iş və ictimaiyyətlə əlaqələr şöbəsinin müdiri Turan Kərimli, rektorun köməkçisi, YAP Səbail rayon Gənclər Birliyi sədri Riyad Rüstəmli, ADPU-nun Tarix və coğrafiya fakültəsinin rəhbərliyi, kafedra müdirləri və kafedraların professor-müəllim heyəti, ADPU YAP GB sədri Tərlan Ağayev və tələbələr iştirak etdilər.

Tədbiri giriş sözü ilə açıq elan edən Riyad Rüstəmli tədbir iştirakçılarını salamlayaraq tədbirin işinə uğurlar arzu etdi.

Daha sonra ADPU-nun İncəsənət və fiziki tərbiyə fakültəsi tələbəsi Məxfirət Hüseynovanın ifası dinlənildi, AMEA-nın Tarix İnstitutunun aparıcı elmi işçisi, ADPU-nun Tarix və coğrafiya fakültəsinin Azərbaycan tarixi kafedrasının dosenti, tarixçi alim Mübariz Ağaları “Müstəqil Azərbaycan dövlətçiliyi və Ümummilli lider Heydər Əliyev” mövzusunda elmi məruzə  ilə çıxış etdi, ADPU-nun Tarix və coğrafiya fakültəsi tələbəsi Bilqeyis Abbasovanın çıxışına yer verildi.

Tədbirdə Ümummilli Lider Heydər Əliyevə həsr olunan videoçarx təqdim edildi.

 

• 
• 
•