Yeni Azərbaycan Partiyası Səbail rayon təşkilatı

İyunun 1-də Səbail rayonu Cəbrayıl Əsgərov adına 50 №-li tam orta məktəbdə YAP Səbail rayon “Bibiheybət” ərazi ilk partiya təşkilatının, Bibiheybət Bələdiyyəsinin və Azərbaycanın Rus İcmasının birgə təşkilatçılığı ilə 1 iyun Uşaqların Beynəlxalq Müdafiəsi Günü münasibətilə sosial aksiya və musiqili bayram tədbiri keçirildi.

Tədbiri açıq elan edən 50 №-li tam orta məktəbin direktoru Sədaqət Həsənova balacaları salamlayaraq uşaqların bayramını ürəkdən təbrik etdi, onlara dərslərini yaxşı oxumağı, gözəl təhsil alaraq Şanlı Vətənimizə, qəhrəman Azərbaycan xalqına və qüdrətli müstəqil dövlətimizə layiqli övladlar, vətəndaşlar kimi formalaşmağı arzuladı.

Çıxış edən Bibiheybət Bələdiyyəsinin sədri Validə Həsənova və Azərbaycanın Rus İcmasının nümayəndələri uşaqları bayram münasibətilə təbrik etdilər, onlara daima sevincli, xoş günlər və Vətənə layiqli övladlar olmağı arzuladılar.

Sonra Bibiheybət Bələdiyyəsinin və Azərbaycanın Rus İcmasının birgə təşkilatçılığı ilə Bibiheybət qəsəbəsinin sakinləri olan əlil və aztəminatlı ailələrin uşaqlarına və Şəhid, qazi övladlarına bayram hədiyyələri təqdim olundu.

Tədbir 50 №-li tam orta məktəbin şagirdlərinin iştirakı ilə ədəbi, bədii, musiqili bayram tədbiri ilə davam etdi. Bayram sevincini yaşayan uşaqlar şerlər dedilər, mahnılar oxudular, rəqslər etdilər, birlikdə əyləndilər və böyüklərin də sevincinə səbəb oldular.

 

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•