Səbail rayonunda şəhidlərin xatirəsinə ağacəkmə aksiyası keçirilib.
03.11.2021Səbail rayonunda yerləşən Heydər Əliyev parkında ağacəkmə aksiyası keçirilib. Tədbir Səbail rayonunda yaşamış və 44 günlük Vətən Müharibəsində canlarını qurban vermiş 15 Şəhidimizin xatirəsinə ithaf olunmuşdur. Tədbirdə Səbail Rayon İcra Hakimiyyətinin başçısı Vuqar Zeynalov, Azərbaycan Respublikası Milli Məclisinin deputatı Nigar Arpadarai, YAP Səbail rayon təşkilatının sədri Muxtar Nağıyev,rayonun hüquq-mühafizə orqanlarının rəhbərləri, Şəhidlərin ailə üzvləri, döyüş yoldaşları və rayon ictimaiyyətinin digər nümayəndələri iştirak edib.
Tədbirdə Şəhidlərimizin əziz xatirəsi bir dəqiqəlik sükutla yad edilmiş, Dövlət Himni səsləndirilmişdir. Tədbirdə çıxış edən millət vəkili Nigar Arpadarai Şəhidlərimizin ruhuna böyük ehtiramını bildirərək, onların yaxınlarına başsağlığı və Allahdan səbr diləyərək, qazandığımız tarixi qələbədə ölkə rəhbərliyinin rolundan, xalqımızın bir nəfər kimi ölkə başçısının ətrafında birləşməsindən, əsgər və zabitlərimizin qəhrəmanlığından və onların adlarının əbədiləşdirilməsinin önəmindən danışıb. Səbail Rayon İcra Hakimiyyətinin başçısı Vuqar Zeynalov Ali Baş Komandan cənab İlham Əliyevin müdrik rəhbərliyi ilə başlanan və tarixi Qələbə ilə sona çatan Vətən Müharibəsində canlarını qurban verən igidlərimizin xatirəsinin daim yaşayacağını, dövlətimizin Şəhid ailələrinə xüsusi diqqət və qayğı ilə yanaşdığını bildirib.
Tədbirin sonunda Ekologiya və Təbii Sərvətlər Nazirliyinin dəstəyi ilə parkda şəhidlərimizin əziz xatirəsinə ağaclar əkilib.
Qeyd edək ki, torpaqlarımızın azadlığı uğrunda Vətən müharibəsi zamanı Səbail rayonu üzrə 15 nəfər şəhid olmuşdur. Onlar aşağıdakılardır:
Şəhid Qənbərov Bilal Xanlar oğlu
Şəhid Ağayev Cavidan Mirzəağa oğlu
Şəhid İbrahimli Cavidan Nizami oğlu
Şəhid Məmmədli Cəmil Habil oğlu
Şəhid Tağıyev Əli Aydın oğlu
Şəhid Nağıyev Əli Mehman oğlu
Şəhid Əliyev Fərid Pirəli oğlu
Şəhid Əhədzadə İlkin Qələmşah oğlu
Şəhid Hüseynov İsmayıl Şahvələd oğlu
Şəhid Qurbanov Murad Asif oğlu
Şəhid Şükürov Nicat Ayaz oğlu
Şəhid İsmayılov Orxan Zöhrab oğlu
Şəhid Həsənov Vüsal Ariz oğlu
Şəhid Teymurov Vüsal Zakir oğlu
Şəhid Budaqov Yusif Ramiq oğlu
Allah hər birinə rəhmət eləsin!
