Yeni Azərbaycan Partiyası Səbail rayon təşkilatı

YAP Səbail rayon təşkilatının nümayəndələri Şabran rayonunun Zeyvə kənd qəbiristanlığında dəfn olunan Səbail şəhidi Vüsal Həsənovun məzarını ziyarət ediblər.

Ziyarətdə YAP Səbail rayon təşkilatının sədri Muxtar Nağıyev və rayon partiya təşkilatının fəalları iştirak edib.

Ziyarət çərçivəsində Şəhid Vüsal Həsənovun ailə üzvləri ilə görüş keçirilib, ailənin gündəlik qayğıları ilə maraqlanılıb.

Vətən müharibəsində qəhrəmancasına şəhid olan Həsənov Vüsal Ariz oğlunun şəhidlik zirvəsinə ucaldığı gündən bir il keçir. Vətən müharibəsinin ilk günlərindən döyüşə atılan Vüsal Həsənov Füzuli rayonu istiqamətində gedən döyüşlərdə şəhidlik zirvəsinə ucalmışdır. Döyüşlərdə göstərdiyi qəhrəmanlığa görə Azərbaycan Respublikasının Prezidenti cənab İlham Əliyevin müvafiq Sərəncamlarına əsasən ölümündən sonra “Vətən uğrunda” və “Füzulinin azad olunmasına görə” medalları ilə təltif olunmuşdur.

Vüsal Həsənovun ailə üzvləri şəhid ailələrinin, qazilərimizin, hərbçilərimizin Ölkə başçısı cənab İlham Əliyevin, Birinci vitse-prezident xanım Mehriban Əliyevanın və Yeni Azərbaycan Partiyasının hər zaman diqqət və yüksək qayğısı ilə əhatələndiklərini bildirmişlər.