Yeni Azərbaycan Partiyası Səbail rayon təşkilatı

Yeni Azərbaycan Partiyası Səbail rayon təşkilatının və Səbail Rayon İcra Hakimiyyətinin, Veteranlar və şəhid ailələri İctimai Birliyinin Səbail rayonu üzrə şöbəsinin birgə təşkilatçılığı ilə 1-ci Qarabağ müharibəsi şəhidlərinin ailə üzvləri, qazi və veteranlar ilə görüş keçirilib.

Tədbirdə YAP Səbail rayon təşkilatının sədri Muxtar Nağıyev, Səbail RİHBA-nın şöbə müdiri Qabil Vahidov, RİHBA-nın Vətən müharibəsi iştirakçıları və şəhid ailələri ilə işin təşkili şöbəsinin müdiri Orxan Aydınov,Veteranlar və şəhid ailələri İctimai Birliyinin Səbail rayonu üzrə şöbəsinin sədri Bəyverdi Novruzov, 1-ci Qarabağ müharibəsi şəhidlərinin ailə üzvləri, qazi və veteranlar iştirak edib.

Tədbir ölkəmizin müstəqilliyi və ərazi bütövlüyünün təmin olunması uğrunda şəhid olan Vətən övladlarının xatirəsinin bir dəqiqəlik sükutla yad edilməsi başlanmışdır.

Görüş zamanı çıxış edən YAP Səbail rayon təşkilatının sədri Muxtar Nağıyev, RİHBA-nın şöbə müdiri Qabil Vahidov şəhidlərimiz və qazilərimizin keçdiyi şərəfli döyüş yolundan bəhs edərək, Azərbaycan ordusunun tarixi qələbəsində şəhidlərimizin, qazilərimizin və veteranlarımızın rolundan bəhs edib, Prezident İlham Əliyevin şəhid ailələri və qazilərə xüsusi diqqətindən danışıb.

Daha sonra şəhidlərin ailə üzvləri, müharibə iştirakçıları  ölkə başçısı cənab İlham Əliyevin və Birinci vitse-prezident xanım Mehriban Əliyevanın hər zaman diqqət və yüksək qayğısı ilə əhatələndiklərini bildirib, öz təşəkkürlərini çatdırıblar.