Yeni Azərbaycan Partiyası Səbail rayon təşkilatı

Tədbirin açılışında şəhidlərin xatirəsi bir dəqiqəlik sükutla yad edilib.

Yeni Azərbaycan Partiyasının idarə heyyətinin üzvü, professor Ədalət Muradov ulu öndər Heydər Əliyevin əsasını qoyduğu Yeni Azərbaycan Partiyasının 30 illiyi münasibətilə iştirakçıları təbrik edərək, partiyanın yaradılmasının müasir tariximizin ən mühüm ictimai-siyasi hadisələrindən biri olduğunu deyib. Regionun ən böyük partiyasının Azərbaycanın uğurlu gələcəyi, inkişafı və dövlətçiliyimizin qorunması naminə 30 ildir ki, uğurla fəaliyyət göstərdiyini bildirib.

Yığıncaqda iştirak edən Yeni Azərbaycan Partiyasının Səbail rayon təşkilatının sədri Muxtar Nağıyev YAP-ın yaranma tarixindən söz açıb. O, Yeni Azərbaycan Partiyasının xalqımızı ulu öndərin ideyaları ətrafında sıx birləşdirərək, ümumxalq partiyasına çevrildiyini, eyni zamanda, ölkədə demokratiyanın inkişafında aparıcı qüvvə kimi özünü təsdiqlədiyini bildirib. M.Nağıyev  Yeni Azərbaycan Partiyasının üzərinə düşən mühüm vəzifələrdən, perspektiv fəaliyyət istiqamətlərindən də söz açıb.

Tədbirdə cari məsələlərə baxılıb.

“İstiqlaliyyət 6” ünvanı üzrə ərazi partiya təşkilatının sədri Mikayıl Zeynalov hesabatla çıxış edərək, görülmüş işlər, qazanılmış uğurlar və qarşıda duran vəzifələrdən danışıb.

Hesabat dinlənildikdən sonra Muxtar Nağıyev “İstiqlaliyyət 6” ünvanı üzrə ərazi partiya təşkilatının fəaliyyətini yüksək qiymətləndirib, təşkilatın üzvlərinin ölkədə baş verən ictimai-siyasi proseslərdə fəal iştirak etdiyini vurğulayıb. M.Nağıyev Mikayıl Zeynalovun vəzifə dəyişikliyi ilə əlaqədar ərazi təşkilatna yeni sədrin seçiləcəyəni bildirib.

Sonra “İstiqlaliyyət 6” ünvanı üzrə ərazi partiya təşkilatına yeni sədr və sədr müavini seçkiləri keçirilib. “İstiqlaliyyət 6” ərazi partiya təşkilatının fəal üzvü Hikmət Babayev təşkilatın yeni sədri, Yalçın Köçərli isə sədr müavini seçilib. Muxtar Nağıyev yeni sədri və müavini təbrik edərək, onlara fəaliyyətlərində uğurlar arzulayıb.

“İstiqlaliyyət 6” ünvanı üzrə ərazi partiya təşkilatının yeni sədri Hikmət Babayev ona göstərilən etimada görə təşəkkürünü bildirərək, qarşıya qoyulan tapşırıqları məsuliyyətlə yerinə yetirəcəyini bildirib.

Sonra Muxtar Nağıyev “İstiqlaliyyət 6” ünvanı üzrə ərazi partiya təşkilatının keçmiş sədri Mikayıl Zeynalova YAP-ın Fəxri Fərmanını təqdim edib.

Tədbirdə YAP-a yeni üzv olmuş “İstiqlaliyyət 6” ünvanı üzrə ərazi partiya təşkilatının üzvlərinin vəsiqələr verilib.