Yeni Azərbaycan Partiyası Səbail rayon təşkilatı

Səbail rayonunda 1-ci və 2-ci Qarabağ müharibəsində ölkəmizin ərazi bütövlüyü uğrunda canlarından keçən şəhidlərimizin ailə üzvləri tibbi müayinə olunub.

Yeni Azərbaycan Partiyasının yaranmasının 30 illiyi münasibətilə YAP Səbail rayon təşkilatının təşkilatçılığı ilə keçirilən tibbi aksiyada YAP Səbail rayon təşkilatının sədri Muxtar Nağıyev, sədr müavini Nicat Hüseynov, aparatın əməkdaşları, həkimlər, o cümlədən, rayon ərazisində yaşayan, 1-ci və 2-ci Qarabağ müharibəsində ölkəmizin ərazi bütövlüyü uğrunda canlarından keçən şəhidlərimizin ailə üzvləri iştirak edib.

Tibbi aksiya çərçivəsində şəhidlərin üzvləri peşəkar həkimlər tərəfindən müayinə olunublar. Şəhid ailələrin üzvləri belə təşəbbüsə və hər zaman diqqət mərkəzində saxladıqları üçün minnətdarlıqlarını bildiriblər.

Qeyd edək ki, YAP Səbail rayon təşkilatı hər zaman şəhid ailələri və qaziləri diqqət mərkəzində saxlayır, silsilə görüşlər keçirir, onları narahat edən problemlərlə əlaqədar öz dəstəklərini göstərirlər.