Yeni Azərbaycan Partiyası Səbail rayon təşkilatı

YAP Səbail rayon Könüllülər birliyinin təşkilatçılığı ilə gənclər üçün növbəti təlim-seminar təşkil olundu. Məşhur təlimçi Orxan Şahbaz gənclərə “Özünü ifadə və natiqlik” mövzusunda təlim keçdi. İnteraktiv sual-cavab formatında təşkil olunan təlim gənclərin böyük marağına səbəb oldu.

Tədbiri açıq elan edərək gəncləri salamlayan YAP Səbail rayon Könüllülər birliyinin sədri Rəşad İmanov, birliyin İctimai əlaqələr departamentinin sədri Taleh Mansurov, YAP Səbail rayon təşkilatının əməkdaşı Bəyim Nəbiyeva və PR Academinin məzunu, bir çox layihələrin rəhbəri və meneceri Ümüd Orucov YAP Səbail rayon təşkilatının sədri, Milli Məclisin deputatı prof. Şəmsəddin Hacıyevə gənclər üçün yaradılan şəraitə və müxtəlif səpkili təşəbbüslərin reallaşdırılması üçün göstərilən dəstəyə görə öz minnətdarlıqlarını bildirdilər. Bu mövzularda təşkil olunan təlimlərin gənclərin dünyagörüşünün genişlənməsi və inkişafındakı rolundan danışan çıxışçılar Könüllülər birliyinin gələcəkdə nəzərdə tutulan layihələri haqqında məlumat verdilər. Vurğulandı ki, bu cür təlimlər silsilə şəklində davam edəcəkdir.

Sonra təlimçi Orxan Şahbaz çıxış edərək auditoriyaya təlim keçdi. Mövzu ətrafında aparılan diskussiyada fəal iştirak edən gənclər təlimçiyə çoxsaylı suallarını ünvanladılar.

Sonda xatirə şəkili çəkildi.

”Səs” qəzeti

 

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•